web counter
LEXO PA REKLAMA!

SHKARKO APP

App Store
Google Play

Kreshnik Spahiu zbërthen skenarin e Bashës/ Strategjia e rikthimit në krye të PD-së

14 Mars 2023, 21:59, Politikë CNA
Kreshnik Spahiu zbërthen skenarin e Bashës/ Strategjia e rikthimit
Ish-kreu i Aleancës Kuq e Zi, Kreshnik Spahiu

Ish-kreu i Aleancës Kuq e Zi, Kreshnik Spahiu, ka zbërthyer skenarin e Lulzim Bashës në krye të PD-së, i cili deklaroi një vit më parë se do të jepte dorëheqjen, por nuk e bëri kurrë zyrtarisht këtë veprim.

Spahiu tha se Basha është pjesë e një skenari ndërkombëtar që sipas tij synon të godasë kreun e PD-së Sali Berisha.

“Unë besoj se Lulzim Basha është pjesë e një skenari ndërkombëtar. Po ta vini re, sot diplomatët nuk kanë folur për vendimin e KQZ-së dhe ky është lajmi. Ndonëse ata i monitorojnë zgjedhjet, ndonëse takuan grupin Alibeaj, sot pas vendimit të Celibashit, nuk kanë reaguar negativisht, për të ushtruar presion që logo e PD që të jetë në zgjedhje.E dini pse? Ka dy arsye. Kanë një vendim të qartë strategjik. Ai grup diplomatik që është pjesë e këtij skenari, ose shkin Sali Berishën, ose shkrin PD”, u shpreh ai.

Juristi deklaroi në emisionin e Erla Mëhillit se Basha mund të rikthehet në 15 maj dhe këtë strategji e ka marrë si këshillë nga persona të tjerë.

“Bashën e kanë këshilluar çfarë do të bëjë. Mund të ndodhë që Bashën e pengojnë të hyjë në zgjedhjet e 14 majit për ta rikthyer në 15, për t’i dhënë legjitimitet si pasojë e humbjes, nëse do të ndodhë, në përballjen Rama-Berisha. Për t’i dhënë legjitimitet për ngritjen e në partie të re politike dhe për t’i thënë rivalit të tij brenda llojit: Largohu se humbe thellë përballë Ramës, pa të marrë ne vota”, theksoi Spahiu./ CNA.al





Lajmet e fundit nga