web counter
LEXO PA REKLAMA!

SHKARKO APP

App Store
Google Play

E fundit!

x

Bollino e pranon takimin me Veliajn/ "Po më spiunon Këlliçi"

27 Janar 2025, 16:47, Politikë CNA

Carlo Bollino, gazetari i oborrit të poshtëm të Edi Ramës, kaluar si shërbëtor i Erion Veliajt, ka pranuar publikisht se sot pas një seance gjyqësore më Belind Këlliçin dhe Jamarbër Malltezin ka qenë te zyra e kryebashkiakut të Tiranës, nën  hetim nga SPAK-u për katër akuza penale.

Sipas një reagimi të vetë zotit Bollino në mediat e tij që ushtrojnë aktivitet në prona publike të përfituara me favorizime ligjore dhe që janë paguar nga paratë e aferës së inceneratorëve, ai shkruan se ata që e kanë fotografuar apo marrë në video pasi ka dalë nga Bashkia e Tiranës janë spiunë.


Carlo mendon se paska një strukturë të paligjshme po t’i bëjnë foto në publik një gazetari, siç i bën Carlo me mjete me apo pa logo rrugëve të Tiranës p.sh.

“Struktura e paligjshme e Sali Berishës më ka ndjekur dhe më ka spiunuar, dhe, meqë ai tani nuk ka më turp për asgjë, e ka bërë publik edhe raportin e marrë nga spiuni, të shoqëruar me një video si ‘provë’! Spiuni, i paguar nga PD-ja, ka shënuar se kam hyrë në zyrat e Bashkisë së Tiranës në një orë të caktuar dhe kam dalë në një tjetër”. Bollino nuk mohon të ketë hyrë në bashki apo të mos jetë takuar me Veliajn, pasi ai shkon shpesh në atë godinë dhe ky nuk është rasti i parë qoftë edhe me foto.


Pyetjeve pse shkoi tek Erion Veliaj i është përgjigjur duke thënë se janë të njëjtat që do të bënin ish-spiunët e sigurimit. Në fakt, botuesi dhe gazetari mjafton të thoshte që isha se më do qejfi e kam mik dhe kaq. S’ka asgjë të keqe.

Bollino njihet si gazetar i oborrit të Rilindjes dhe mik i kryebashkiakut të drejtorëve të dosjes “5D”. Nuk ka pse të ketë turp se shkoi në zyrën e një njeriu nën hetim për 4 akuza, dhe nuk ka asgjë të keqe që të takohen dy persona nën hetim apo edhe më shumë të qajnë hallet me drejtësinë.

Më tej Bollino e pranon vetë që ka qenë në bashki duke rrëzuar dhe tezën e ndonjë spiuni të jashtëm sepse ky i fundit mund të jetë dhe i brendshëm e s’ka nevojë hiç për struktura, kjo është e sigurt tashmë, siç është edhe Nesti Angoni. Tashmë dihet urrejtja e vetë stafit të Veliajt për kryebashkiakun e tyre, por edhe “dashuria” për shërbëtorët e llojit “Bollino”.

Bollino e pranon takimin me Veliajn/ "Po më spiunon

“Para se të shkoja te bashkia, isha në Gjykatën Penale të Tiranës, ku kam kërkuar hapjen e një procesi kundër Belind Këlliçit dhe Jamarbër Malltezit për shpifje dhe fyerje të vazhdueshme ndaj meje, vepra që përbëjnë një krim”, me këtë qëndrim i ka sqaruar të gjitha duke hapur një gjyq penal për fyerje e shpifje.

Në fakt për të gjitha sa pretendon Carlo Bollino ka me dhjetëra denoncime publike dhe dokumentet janë çuar nëpërmjet disa kallëzimeve, por edhe në mënyra të tjera ligjore në SPAK. /CNA





Lajmet e fundit nga