web counter
LEXO PA REKLAMA!

SHKARKO APP

App Store
Google Play

E fundit!

x

Berisha nxjerr Gazment Bardhin në shërbim të Veliajt/ Skema kundër SPAK-ut

30 Mars 2024, 11:10, Politikë CNA
Berisha nxjerr Gazment Bardhin në shërbim të Veliajt/ Skema
Gazment Bardhi dhe Sali Berisha

Dalja e dosjes së Olsi Ramës tërhoqi të gjithë vëmendjen e medias nga aksioni i SPAK-ut, arrestimi i shumë drejtorëve të Erion Veliajt. Një pyetje lind natyrshëm: Pse opozita e bëri atë denoncim në momentin kur SPAK-u po godiste një nga kupolat më të korruptuara politike dhe institucionale në Shqipëri?

Në fakt opozita zhurmën mund ta kishte gati, por përtej kësaj kishte edhe faktin që bashkia po ngelej pa drejtorë dhe kryebashkiakut Erion Veliaj i ishte arrestuar shtabi i tij elektoral. Pra kishte një kauzë përveç korrupsionit, por edhe një kauzë për zgjedhjet e humbura lokale të një viti më parë.

Në fakt nuk u mor me të, por doli në skenë dosja “Olsi Rama” që mesa duket është versioni numër 2 i “Babales”, të bërë pak kohë më parë nga Ervin Salianji. Këtë herë është zgjedhur Gazment Bardhi.

Dalja e dosjes së Olsi Ramës kishte dy qëllime, e para të godiste veprimet e SPAK-ut, pra të rrëzonte peshën që do të merrte SPAK-u me arrestimet në Bashkinë e Tiranës duke vendosur edhe njëherë në themel standardin se nuk ka më të paprekshëm, ashtu siç pretendon ish-kryeministri Berisha dhe me faktet dhe akuzat e tij se SPAK-u kontrollohet nga Edi Rama dhe Erion Veliaj.

Pas rënies së kësaj tabuje do të binte edhe teza tjetër se SPAK-u ishte institucion i pavarur dhe po luftonte korrupsionin. Kështu që ndaj duhej edhe dosja e Olsi Ramës për ish-kryeministrin Berisha.

Nga ana tjetër Erion Veliajt i interesonte kjo dosje për të mbyllur zhurmën e drejtorëve të tij të arrestuar, bandën e tij të korrupsionit, në Bashkinë e Tiranës, që në Tiranë e njohin dhe e dinë të gjithë se si kanë qarkulluar sa nga një drejtori në një tjetër, emrat e arrestuar, të cilët tashmë ndodhen pas hekurave me akuza të forta të ngritura nga SPAK-u, dy prej të cilëve, Taulant Tusha dhe Mariglen Qato janë nën akuzë gati për 2 çështje të ndryshme dhe rrezikojnë shumë vite burg.

Në fakt dalja e dosjes Olsi Rama nuk është gjë tjetër thjesht dhe vetëm një korridor i ri komunikimi midis Berishës dhe Erion Veliajt kundër SPAK-ut për të luajtur politikisht kundër këtij institucioni.

Pas veprimeve që Erion Veliaj tentoi të kryente me kryeministrin Edi Rama për ngritjen e komisionit “Ad-Hoc” dhe vendosjen e SPAK-ut nën kontroll, tashmë ka gjetur aleat Sali Berishën dhe të dy kanë një qëllim, Veliaj të shpëtojë lëkurën e tij nga akuzat që po i vijnë nga SPAK-u dhe drejtorët e prangosur dhe Sali Berisha të tregojë se nuk ka një akuzë të vërtetë të ngritur nga SPAK-u, por ajo është thjesht dhe vetëm një instrument politik i kryeministrit Rama.

Të dyja palët, pra dhe Berisha dhe Veliaj, po përpiqen të godasin SPAK-un duke përdorur dosje, skema politike, shantazhe, sulme dhe akuza thjesht dhe vetëm për të shpëtuar disa drejtorë të korruptuar apo pasojat që mund të vijnë më tej tek kryebashkiaku Erion Veliaj.

Duke shfrytëzuar këto raste, Berisha si ujk i vjetër në politikë ka përdorur jo pa qëllim Gazment Bardhin për të cilin dyshohet se ka zhvilluar edhe një takim konfidencial, kokë më kokë më Veliajn në periferi të qytetit./CNA 





Lajmet e fundit nga