web counter
LEXO PA REKLAMA!

SHKARKO APP

App Store
Google Play

Berisha njësoj si Luli/ Do njoftojë në mesnatë kandidatët për në Kryesi

27 Maj 2022, 20:39, Politikë CNA
Berisha njësoj si Luli/ Do njoftojë në mesnatë
Lulzim Basha dhe Sali Berisha

Komisioni i Rithemelimit, njoftoi ditën e sotme se në orën 20:00 do të mbidhej për të miratuar propozimet e kandidatëve të Kryesisë së Partisë Demokratike.

Sipas njoftimit, pas miratimit, Sali Berisha do t’i paraqesë ato nesër për votim në orën 11:00 në Këshillin Kombëtar.

Mbledhja e këtij komisioni ka nisur, dhe nuk i dihet se sa do zgjasin diskutimet. Ajo çka mund të shihet qartë është dalja miratimit, e cila do të shpallet në orët e vona të kësaj të premte.

Shpalljet e vendimeve në orët e vona nuk janë të panjohura në selinë blu.

Kjo strategji është përdorur më herët nga ish kryetari Lulzim Basha. E duket se të njëjtën rrugë po ndjek edhe kryetari i sapo zgjedhur i PD Sali Berisha, i cili ka deklaruar më herët se nuk do të ndjekin rrugën e Bashës.

Berisha pritet që në mesnatë të shpall emrat që do jenë në garë për Kryesi. Kandidatët që do të përzgjidhen do të kenë një kohë mjaft të limituar në dispozicion për të bërë fushatë për vete, as 24 orë të plota. 

Ky vendim, ngre dyshime se emrat e anëtarëve të Kryesisë mund të jenë edhe të paracaktuar më herët nga vetë kryetari Berisha./CNA.al





Lajmet e fundit nga