web counter
LEXO PA REKLAMA!

SHKARKO APP

App Store
Google Play

E fundit!

x

"Beogradi duhet të ushtrojë ndikimin e vet mbi serbët"/ Rama reagon për tensionet në veri të Kosovës

11 Dhjetor 2022, 14:51, Politikë CNA

"Beogradi duhet të ushtrojë ndikimin e vet mbi serbët"/

Kryeministri Edi Rama ka reaguar për situatën në Kosovë.

Përmes një postimi në rrjetet sociale, kryeministri shprehet se sulmet mbi EULEX-in janë të dënueshme dhe se rishfaqja e barrikadave bie ndesh me çdo ligj.

Rama vijon më tej duke i bërë thirrje Begradit që të ushtrojnë ndikimin e tyre te serbët e Veriut të Kosovës, pasi veprimet e tyre nuk duhen justifikuar, cilido qoftë shkaku. 

‘Sulmet mbi @EULEXKosovo janë të dënueshme pa asnjë ekuivok ashtu siç është i dënueshëm çdo akt dhune ndaj policisë së Kosovës. Rishfaqja e barrikadave në Veri të Kosovës, bie ndesh me çdo ligj e çdo frymë dialogu e jo vetëm nuk zgjidh asgjë, po përkundrazi komplikon më tej çdo gjë!

Shtyrja e votimeve nga ana e Presidentes së Republikës së Kosovës është një sinjal kuptimplotë, të cilit autoritetet e larta të Beogradit duhet t’i përgjigjen me të njëjtën frymë dhe ndjenjë përgjegjësie, për moslejimin e përshkallëzimeve të mëtejshme të akteve destabilizuese!

Beogradi duhet të ushtrojë ndikimin e vet mbi serbët e Veriut të Kosovës, pa i justifikuar assesi veprimet e tyre cilatdoqofshin arsyet! Arsyet diskutohen nuk përdoren si armë kundër policisë e si barrikada kundër rendit ligjor.BE-ja duhet të thërrasë urgjent tryezën e dialogut.’- shkruan Rama./CNA.al





Lajmet e fundit nga