web counter
LEXO PA REKLAMA!

SHKARKO APP

App Store
Google Play

E fundit!

x

Aksi Kardhiq-Delvinë/ PD: Qeveria Rama i ka "rilindur" rrugët duke i katërfishuar në kosto

28 Qershor 2022, 11:22, Politikë CNA
Aksi Kardhiq-Delvinë/ PD: Qeveria Rama i ka "rilindur"
Enno Bozdo

Anëtari i Kryesisë së PD-së, Enno Bozdo, ka akuzuar qeverinë, lidhur me aksin rrugor Kardhiq-Delvinë.

Në një dalje për mediat, nga selia blu, Bozdo u shpreh se qeveria Rama i ka “rilindur” rrugët, duke katërfishuar kostot.

Më tej, Bozdo ka renditur edhe faktet me data dhe shifra konkrete.

Deklarata e plotë e Bozdos:

Jam këtu sot, në emër të Partisë Demokratike, për t’i transmetuar publikut disa data dhe shifra.  

Viti 2012

Në 7 muaj ndërtohet loti i parë i rrugës Kardhiq-Delvinë: 5.6 milionë euro për 7 kilometra.

Punë e “qeverisë Berisha” të Partisë Demokratike.

Shtator 2018

Loti 4 i tenderohet firmës “Gjoka Konstruksion”: 20 milionë euro për 6.1 kilometra.

Loti 5 i tenderohet firmës “Alb Star”: 14 milionë euro për 3.3 kilometra.

Prill 2021

Autoriteti Rrugor Shqiptar për të njëjtin segment i akordon "Gjoka Konstruksion" një fond shtesë: 3.8 milionë euro.

ARRSH e zgjidh qesen me fond shtesë edhe për "Alb Star"-in: 2.6 milionë euro.

Tetor 2018

ARRSH ia tenderon lotin 6, firmave "Agbes" dhe "Arbëria": 20 milionë euro për 4.5 kilometra.

Prill 2021

Autoriteti akordon, edhe për lotin 6, një fond shtesë: 3.9 milionë euro.

Korrik 2020

Lotin 7 qeveria ia jep "Gjoka Konstruksion": 15 milionë euro.

Shkurt 2022 

Firma "Jubica" merr tenderin për sinjalistikën rrugore: 1.8 milionë euro.

Maj 2022

Firma "Gener" merr tenderin e sistemimit të skarpateve të rrugës: 11 milionë euro. 

Partia Demokratike kërkon, së pari, të theksojë standardin e saj në kohën kur qeveriste vendin: 1 km rrugë ndërtohej me 950 mijë euro. Qeveria Rama i ka ‘rilindur’ rrugët duke i katërfishuar në kosto.

Së dyti, tenderimet e trefishta për të njëjtin segment rruge, duke akorduar fonde shtesë, krejtësisht abuzive dhe të pambështetura.

Së treti, shfaqjen e të njëjtëve emra përfituesish, ku ‘nxijnë’ "Gjoka" dhe "AlbStar", oligarkët e preferuar të Rama 1, 2 dhe 3 në bashki dhe Rama 1, 2 dhe 3 në Qeveri.

Në serialin “Nuk keni parë gjë akoma”, ky nuk është episodi i fundit.

Por, një gjë duket qartë: Shqipëria në rrezik./CNA.al





Lajmet e fundit nga