web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria, “në vend numëro” me negociatat/ Bregu bën paralajmërimin e fortë

27 Qershor 2022, 21:40, Politikë CNA
Shqipëria, “në vend numëro” me negociatat/ Bregu
Sekretarja e Këshillit të Bashkëpunimit Rajonal (RCC), Majlinda Bregu

Sekretarja e Këshillit të Bashkëpunimit Rajonal (RCC), Majlinda Bregu, ka bërë paralajmërime të forta, teksa ka folur për përgjigjen negative që mori Shqipëria dhe Maqedonia e Veriut, për negociatat me Bashkimin Europian.

Bregu tha se “jo"-ja e negociatave ka rritur pesimizmin, gjë që sipas saj do të këtë kosto shumë të mëdha.

“Rriti nivelin e pesimizmit në rajon. Jemi në një lojë me zero rezultat. Kostoja do të jetë shumë e madhe”, u shpreh ajo në emisionin “Top Story”.

Sekretarja e RCC-së deklaroi se tronditja e madhe mund të jetë një pikë kthese dhe mund të sjellë rrënim të besimit.

“Qytetarët e kanë më kollaj se të shohin ndryshimin, të largohen nga vendi. Ata që kanë koston më të madhe janë qytetarët. Ky është shqetësimim më i madh si mund të kthehet ky zhgënijm i herëpashershëm duke mos hapur nesër negociatat.

Do të ketë shumë vështirësi dhe nuk e dimë ende se si do vazhdojë. Tronditja e madhe mund të jetë një pikë kthese. Nuk shoh se ka zgjidhje tjetër. Bëhet fjalë për një rrënim të besimit. Në vendet tona ka mosbesueshmëri tek institucionet tona”, theksoi Bregu./ B.A. – CNA.al





Lajmet e fundit nga