web counter
LEXO PA REKLAMA!

SHKARKO APP

App Store
Google Play

“Jo"-ja për Shqipërinë dhe Maqedoninë e Veriut në samitin e BE-së/ Majlinda Bregu: Ndodhi ajo që prisnim

27 Qershor 2022, 21:13, Politikë CNA

“Jo"-ja për Shqipërinë dhe Maqedoninë e Veriut

Sekretarja e Përgjithshme e Këshillit të Bashkëpunimit Rajonal, Majlinda Bregu, ka folur rreth samitit të BE-së, ku Shqiëpria dhe Maqedonia e Veriut nuk morën një “po” për çeljen e negociatave për në BE.

E ftuar në "Top Story", Bregu theksoi se ndodhi ajo që kishin pritur dhe samiti u konsolidua pa asnjë lajm pozitiv për Ballkanin Perëndimor.

Sipas Bregut vetëm u ashpërsuan tonet dhe pati një pesimizëm, që nëse një ditë vendi ynë do t’i bashkohet BE-së.

E gjitha kjo, nënvizoi Bregu, për shkak të problemit mes Bullgarisë dhe Maqedonisë së Veriut.

“Megjithatë ndodhi ajo që kishim pritur, samiti u konsolidua pa asnjë lajm pozitiv për Ballkanin Perëndimor. Ashpërsoi tonet, do të kishim pasur një rritje të pesimizmit, pesimizmit që një ditë vendi ynë do t'i bashkohet BE. 

Për shkak të një problemi që ka Bullgaria me Maqedoninë e Veriut, u bë pengesë për anëtarësimin e Shqipërisë në BE-së”, tha Bregu.

"Ky është problemi i madh, për këtë janë të gjithë të pakënaqur sot, për mënyrën se si është trajtuar politika e zgjerimit. Zgjerimi do të thotë që ti zgjerohesh me një vend tjetër që nuk ka qenë pjesë e Europës. Megjithatë, problem ky ka qenë se nisi si një nga projektet më ambicioze. Për sa kohë politikanët filluan të shohin më shumë mandatin politik, procesi sa filloi e po largohej", vijoi më tej Bregu. /A.E-CNA.al





Lajmet e fundit nga