web counter
LEXO PA REKLAMA!

SHKARKO APP

App Store
Google Play

Raporti botëror i drogërave 2022/ Zhupa: Shqipëria në rrezik, qytetarët nuk e meritojnë këtë qeveri

28 Qershor 2022, 10:54, Politikë CNA

 

Raporti botëror i drogërave 2022/ Zhupa: Shqipëria në
Ina Zhupa

 

Në raportin e fundit botëror të drogave 2022, në një publikim të UNODC, zyra e Kombeve të Bashkuara për Drogat dhe Krimet, Shqipëria renditet një nga 7 vendet kryesore për kultivimin e kanabisit.

Deputetja Ina Zhupa, në një postim në rrjetin social "Facebook", shkruan se kjo ka qenë një ndër arsyet pse BE nuk hapi negociatat për Shqipërinë, ndërsa shton se qytetarët nuk e meritojnë një qeveri të tillë.

“Shqipëria në 'G7' e vendeve më të fuqishme në kultivimin e kanabisit. Këto janë arritjet e një qeverie të dështuar, të korruptuar, të bërë njësh me krimin e organizuar.

Shqipëria përmendet si një nga shtatë vendet kryesore në botë të kultivimit të kanabisit nga 154 vende, në raportin e fundit botëror të drogave 2022, një publikim i UNODC, zyra e Kombeve të Bashkuara për Drogat dhe Krimet.

Ndërsa për Europën Juglindore, Shqipëria renditet e para për vendet që kanë një kultivim të konsiderueshëm të kanabisit, i cili eksportohet ose prodhohet për kultivim të brendshëm.

Me këto të dhëna si Kanabistan i Europës, na shfaqen si të çuditur që Bashkimi Europian nuk hap negociatat me Shqipërinë.

Qytetarët shqiptarë nuk meritojnë këtë qeverisje, nuk meritojnë të jenë vendi i drogës dhe i krimit, por vendi i punës dhe dinjitetit.

Shqipëria në rrezik, protestojmë më 7 korrik, ora 19:00! #Stopcmeduhetmua”, shkruan Zhupa./CNA.al

Raporti botëror i drogërave 2022/ Zhupa: Shqipëria në

 





Lajmet e fundit nga