web counter
LEXO PA REKLAMA!

SHKARKO APP

App Store
Google Play

E fundit!

x

A do të rikthehet në PD?/ Majlinda Bregu përgjigjet pa filtra

27 Qershor 2022, 22:23, Politikë CNA
A do të rikthehet në PD?/ Majlinda Bregu përgjigjet pa filtra
Sekretarja e Këshillit të Bashkëpunimit Rajonal (RCC), Majlinda Bregu

Sekretarja e Këshillit të Bashkëpunimit Rajonal (RCC), Majlinda Bregu, është pyetur mbrëmjen e sotme nëse ka marrë ndonjë ftesë për t’u rikthyer në Partinë Demokratike, nga kryetari Sali Berisha.

Bregu tha në emisionin “Top Story” se Berisha i ka bërë ftesë publike, por nuk e ka kontaktuar personalisht.

“Po zoti Berisha më ka bërë një ftesë publike për të qenë në Kuvendin e PD”, u shpreh ajo.

Sekretarja e RCC-së deklaroi se nuk ka dyshim te sinqeriteti i Berishës, ndërsa theksoi se tashmë ajo është në një rrugë tjetër.

“Për t'u rikthyer në PD nuk kam një dyshim në pjesën e sinqeritetit se në këtë moment duhen të gjithë, por unë jam në një tjetër rrugë.

Më pyete nëse është PD akoma partia ime. Unë nuk jam anëtare në një parti tjetër që të them që s’është partia ime PD-ja.

Nga ana tjetër, unë nuk vuaj nga ndonjë sindromë Stokholmi. Jam shumë më e qartë sesa isha në 2016-ën, e kuptoj se disave u ka dalë nami se kanë thënë gjëra që po i thonë edhe tani, por kjo më bën mua të kem një raport më të mirë se me përzgjatjet pse ndodhi, si”, nënvizoi Bregu.

Pyetjes nëse do të rikthehej sërish në PD, ajo iu përgjigj se asnjëherë nuk i dihet së ardhmes.

“Unë jam në një punë, jam në një detyrë që me sa duket po e bëj mirë. Dhe nuk është pak, nuk më mban larg nga politika.

Është një organizatë që më mban, këtë pjesën e sportit dhe gjimnastikës e kam të përditshme, por nesër kush e di. Ne të gjithë zgjohemi në mëngjes dhe pavarësisht fjalëve të bukura që ka gjuha shqipe, ne themi kismet”, deklaroi Bregu./ B.A. – CNA.al





Lajmet e fundit nga