web counter
LEXO PA REKLAMA!

SHKARKO APP

App Store
Google Play

E fundit!

x

Po të ishe 20 vjet me i ri, çfarë do të bëje?

2 Nëntor 2023, 19:25, Opinione Roland Beqiraj
Po të ishe 20 vjet me i ri, çfarë do të bëje?
Roland Beqiraj

Po të ishe 20 vjet me i ri, çfarë do të bëje?

Kjo ishte pyetja e një miku të vjetër, me të cilin u takuam sot pas 20 vjetësh.

Po të isha 20 vjet më i ri do të veproja njësoj si në maj të vitit 1992. Do të mblidhja një grusht lekësh dhe do të ikja nga ky vend dhe nuk do të gënjeja veten dhe të kthehesha, siç bëra vite më parë.

Arsyet se përse do të ikja janë thuajse të njejta, thjesht u përforcua bindja njëqind për qind se përse një njeri që ka ikur, nuk duhet të rikthehet;

- Këtu zyrtar është bërë injoranti, dhe nuk pyet se ti je taksapagues, por për një diçka të ligjshme pret ryshfet prej teje, ndryshe të vërtit gjithë jetën.

- Këtu zyrtari pa u skuqur, pa u zverdhur, pa i ardhur turp, të tjetërson pronën e blerë me flori nga paraardhesi yt dhe ia jep një gangesteri, të cilit ti nuk ke as mundesinë as fuqinë që ti kundërvihesh

- Këtu edhe pse ke 35 vjet punë, dhe ke paguar sigurime shëndetësore, që tek mjeku i lagjes dhe deri tek mjeku i spitalit, të dërgojne tek privati qoftë dhe për një analizë të thjeshtë

- Këtu gjyqtari dhe prokurori nëse je i varfër, të shikojnë si fajtor dhe duhet me patjetër ta humbasësh gjyqin me një të pasur edhe pse mund të kesh të drejtë.

- Këtu gjithçka kushton si në perendim dhe rrogat si në vendet e botës së tretë.

Janë horrat e pushtetit që të lënë pa atdhe dhe këtë tokë ta kthejnë thjesht një vend ku ke lindur, por që të jetosh, do të thotë të njohësh ferrin pa vdekur.

Prandaj miku im, rri aty ku je dhe mos gënje veten tënde siç e gënjeva une veten time.





18:01 Opinione Ardi Stefa

Dilema e eutanazisë

Historia jonë ka protagonistë tre mjekë. Babanë dhe dy dj...

Lajmet e fundit nga