E fundit!

08:16 Kosova & Bota

Parlamenti i Hungarisë voton për shkarkimin e presidentit nga detyra

Parlamenti i Hungarisë ka miratuar shkarkimin e Presidenti...

Denisi, në botën e gjobaxhinjve

27 Tetor 2023, 17:30, Opinione CNA

Foto ilustruese

Nuk po ia përmendim emrin sepse nuk është një lajm që na gëzon, nuk është një shkrim që na jep satisfaksion, pasi kemi raportuar një ngjarje, por një shkrim që na tregon se një tjetër koleg ka hyrë në botën e gjobaxhinjve, në botën e shantazhuesve, kërcënuesve, në botën e atyre që median e përdorin si mitraloz apo kallashnikov kundër biznesmenëve.

Prej disa kohësh në CNA shpesh vinin informacione, dokumente, në lidhje me borxhe, kredi, shoqata mikrokredish, që financonin Denis bilardistin, që sot u shfaq “live” në televizionin e Endri Meksit dhe i kërciti një “fake news”, i kërciti një gjobë të hapur publike një biznesmeni.

Prej kohësh vinin informacionet në lidhje me bilardistin e “MCN”-së, që drejtonte "pushkën" ndaj bizneseve. Para pak kohësh, te një ambient biznesi pas stadiumit “Qemal Stafa” iu drejtua një biznesmeni duke i kërkuar dhjetëra mijëra euro, pasi kishte nënën e tij të sëmurë dhe do të kishte disa ndërhyrje rresht. Biznesmeni i tha që t’i çonte faturat dhe Denisi më pas u zhduk dhe kur u telefonua tha se i kishte zgjidhur problemet.

Një tjetër avokat i njohur ishte pre e tentativës për t’u mashtruar apo për t’i marrë paratë, rreth 15 mijë euro i kërkoi këtij të fundit dhe kjo është një ngjarje tjetër.

Një tjetër biznesmeni të madh në Shqipëri, por edhe një rast tjetër i një politikani, ku Denisi shfaqet duke kërkuar para në emër të nënës së tij të sëmurë, kuptohet dikush nga biznesmenët edhe preket, por dikush që e njeh dhe e ka kuptuar historinë e një mashtrimi nuk bie pre e saj.

Historia e një mashtrimi që fillon me një nënë të sëmurë që të prek zemrën, por që paratë përfundojnë në kazino, përfundojnë në kumar dhe nuk shkojnë aspak për një nënë të sëmurë, por janë para që Denisi i mbledh për të bërë jetën e tij dhe më pas kur nuk i japin thelën për herën e dytë Denisi sulmon, akuzon, shpif, shantazhon dhe kërcënon thjesht dhe vetëm që të marrë këstin e radhës.

Në redaksi ne kemi “sms”, kemi materialet e të paktën katër rasteve që nuk kanë frikë nga Denisi dhe Denisët e tjerë të gjobave, shantazheve dhe kërcënimeve që vijnë vërdallë, që vënë gjoba duke mashtruar apo keqpërdorur një nënë të sëmurë dhe më pas gjithçka kthehet në kumar, kazino, jetë qejfi, borxhe ngado dhe turpësisht ekrani më pas përdoret prej tij për t’u kërcënuar apo rrjetet sociale për të shantazhuar dhe vendosur gjoba, për të përhapur lajme të rreme.

E në këtë rast Denisi ndryshe nga të tjerët, që përpiqen të fshehin gjurmët, ndryshe nga ata që përdoren nga rivalët e biznesit apo nga ata që përdoren nga botues dhe politikanë për gjoba ndaj të tretëve, ndryshe nga ata që qëndrojnë anonimë, Denisi me shpatë në dorë kërkon para për nënën e sëmurë, për operacione qindra mijëra euro, të cilat, në fakt, nuk i ka kërkuar në një, por në dhjetëra biznesmenë, avokatë, politikanë, të cilët i ka gënjyer dhe ua ka marrë paratë, ka hyrë në borxhe dhe më pas ato kanë shkuar në kazino, kanë përfunduar në kumar dhe ky është fakt.

Denisit nuk po i vëmë foto, pasi thamë se nuk është një lajm i mirë, por zëri ndaj gjobaxhinjve duhet të ngrihet. Duhet të ngrihet pa ndalim zëri në të tilla raste, duhet të ketë një reagim të fortë edhe nga shoqatat e gazetarëve, nga i gjithë opinioni publik dhe nga vetë botuesit e medias, edhe nga pronarët e tyre, për t’i lënë në mjerimin e tyre dhe larg gazetarisë këta individë që thjesht dhe vetëm ndyjnë atë që quhet gazetari. Të tillë ka plot, Denisi është vetëm një nga ata./ CNA