E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Nga Arian Galdini/ Procesi i Berlinit si ballkanizim!

18 Tetor 2023, 21:04, Opinione Arian Galdini

Buja e madhe e takimit të radhës të Procesit të Berlinit u shoqërua me theksimin e mesazhit se, një i tillë ndodh për herë të parë në një vend jo anëtar i BE, se dasma po përgatitet për zgjerimin e BE edhe me vendet e mbetura jashtë nga Europa JugLindore, si edhe se premtimi për miliarda euro investime mbetet ende një ëndërr po aq e bukur sa edhe vetë anëtarësimi në BE.

Gjithçka tjetër ishte foto, fjalime, evente, konferenca shtypi, fjalë, shumë fjalë dhe mungesa të mëdha.

Proçesi i Berlinit u bë me Kancelarin Sholz, pasproçesi i Berlinit u bë me Presidentin Macron.

Që këtu bie në sy një delikatesë europiane që boshti Franko - Gjerman nuk është më dy si një, por një e nga një.

Dhe e thënë me fjalë të thjeshta, nëse Europa e krijoi dhe mbështeti Proçesin e Berlinit për të Europianizuar vendet e Ballkanit Perëndimor, sot pas gati 1 dekade, po mbërrijmë në pothuajse në një ballkanizim të Europës.

Termi ballkanizim ka hyrë në gjuhën politike si sinonim i fragmentatizimit dhe dasive e moskordinimit.

Boshti Franko - Gjerman i kthyer në një bosht një e nga një, e dëshmon më së miri këtë gjasë të hipotetizuar prej meje.

Shkojmë më tej.

Gjatë gjithë ditës së zhivillimit të samitit të Proçesit të Berlinit në Tiranë, ne dëgjuam gjermanen në krye të BE, kancelarin Gjerman e këdo të flisnin për fonde, investime, gatishmëri për zgjerim, etj, etj.

Fjalët dhe mesazhet e ardhura nga gjysma dita Gjermane, ishin shumë inkurajuese dhe pozitive për prespektivën europiane të vendeve të Ballkanit Perëndimor.

Por gjysmadita Fraceze, me postSamitin e Berlinit e kthyer në vizitë zyrtare të Presidentit Macron, ne dëgjuam vetëm ndalesa, pengesa, kushtëzime, etj, etj, etj.

Mund të jetë ballkanizim, kjo që pamë gjatë ditës kur u mblodh Samiti i Proçesit të Berlinit, por mund të jetë edhe loja e kahershme e policit të mirë me policin e keq.

Më tej dinamikat mes Kryeministrave të Ballkanit Perëndimor janë në terrenin e tyre organik të ballkanizimit e nuk ka asnjë çudi këtu.

Por ballkanizimi dhe ç’europianizimi e mbi të gjitha ç’kombëtarizimi i marrëdhënieve mes Kryeministrit të Shqipërisë me Kryeministrin e Kosovës, ishin gjëja më pavend dhe më e trishtë e Samitit dhe pasSamitit.

Albin Kurti ishte në Tryezën e Proçesit të Berlinit gjatë gjysmaditës së parë të Samitit kur u dhanë mesazhet gjermane, dhe u godit e cënua në gjysmaditën e dytë të pasSamitit kur Presidenti Francez Emanuel Macron zbarkoi në Tiranë.

Gjithçka këtu merr ngjyra aspak serioze dhe diletanteske që tregon se e vërteta e madhe është një dhe vetëm një:

Europa ka ditë dhe pasdite, prandaj edhe është domosdoshmëri që ne shqiptarët të kërkojmë me këmbëngulje këtu në Ballkanin tonë, praninë e SHBA që janë një edhe ditën edhe pasditen edhe natën.