web counter
LEXO PA REKLAMA!

SHKARKO APP

App Store
Google Play

E fundit!

x

Fotoja që foli...

13 Tetor 2023, 14:13, Opinione REDAKSIONALE
Fotoja që foli...
Foto nga "Air Albania" në ndeshje Shqipëri - Çeki: Kryeministri Edi Rama në katin e poshtëm, kryeministri i Kosovës, Albin Kurti në katin e sipërm

Një foto në tribunën e sfidës Shqipëri – Çeki, një foto që fliste jo pak! Kryeministri Edi Rama qëndronte me Bajramin që ka zgjedhur President dhe ndiqte Kombëtaren.

Fotoja që foli...

Një kat më lart qëndronte Albin Kurti me zv.kryeministren Belinda Balluku dhe djalin e vetëm të Adem Jasharit.

Kombëtarja fitonte një sfidë historike, është me të dyja këmbët në Europianin "Gjermani 2024".

Fotoja që foli...

Fotoja foli shumë, na tregoi se edhe ndeshje të mëdha, ngjarje historike, qofshin edhe sportive, nuk na i bashkojnë dot ata të dy që vetes i japin atributin e mikut.

Kështu na tha kryeministri dje, Albinin e kam mik, por pak orë më vonë kur Albini erdhi në Tiranë, Edi Rama e la një kat më lart, vetë zbriti poshtë dhe qëndroi me Bajramin. Nuk zgjodhi të ishte në krah të kryeministrit të Kosovës, por preferoi të sillej si Erion Veliaj.

Fotoja që foli...

Po, vërtet! Të sillej si lali Eri, njeriu i cili luftoi për të hequr presidentin e Federatës Shqiptare të Futbollit. Fatmirësisht nuk ia doli dot se sot do të kishin një Kombëtare si inceneratori i Tiranës që nuk ekziston. Pra, rrezik edhe Kombëtarja nuk do të ekzistonte, do të kishim një mal me plehra si atje në Sharrë.

Dje zv.kryeministrja qëndroi në krah të Albin Kurtit. Balluku, pa asnjë kompleks u duk në krah të kryeministrit të Kosovës, ndërkohë që na mungoi Erion Veliaj, lali Eri, nxënësi i pretenduar i kryeministrit tonë dhe vetë kryeministri që me mërzinë që Kurti nuk e pyet fare ministrin e madh të shtetit tonë, Shqipërisë, na e bëri të gjatin e madh të kishte mërzi në fytyrën e tij.

Në fakt, dje fitoi Kombëtarja, por dje fitoi edhe e vërteta, dje fitoi dhe Armand Duka, i vetmi që nuk fitoi dje ishte Erion Veliaj.

Ndoshta fitoi edhe kryeministri që zgjodhi të çonte zv.kryeministren Belinda Balluku në krah të Albin Kurtit, ndoshta edhe për t’i gjetur një zgjidhje që kryeministri ynë të mos marrë mendtë e lali Erit dhe të mos bëjë beteja si Don Kishoti me mullinjtë e erës, por të shkojë dhe të ulet me atë që e quan mik dhe që e ka vëlla nga gjaku, i cili në fakt quhet Albin Kurti.

Dhe në këtë historinë e shqipeve, e pëlqen apo nuk e pëlqen Erion Veliaj, nuk ka pse të kthehet në një Armand Dukë për kryeministrin tonë, pasi Albin Kurti atje po fiton ashtu siç Armand Duka fitoi ndaj Veliajt, ndaj dhe Rama është në kohën e duhur që t’i japë një rrugë tjetër marrëdhënies me Albin Kurtin./ CNA

Fotoja që foli...





Lajmet e fundit nga