Ku kanë nevojë mjekët pedagogë të Universitetit të Mjekësisë t’i bashkohen protestës!

19 Tetor 2022, 19:54, Opinione Jak Simoni

Ku kanë nevojë mjekët pedagogë të Universitetit të

Jak Simoni

Meqënëse pagat e pedagogëve të universiteteve publike të Shqipërisë prej vitesh kanë qenë të njëjta, së fundmi pedagogët kërkojnë ngritje page. Ndonëse e diskutueshme mënyra e zhvillimit të saj, protesta e tyre ka gjetur një mbështetje në universitetet publike të vendit. Përjashtim bën Universiteti i Mjekësisë.

Mjekët pedagogë, të mbyllur në interesin e tyre, po tregohen indiferentë ndaj asaj që ndodh në universitetet tjera. Natyrisht që janë në pozicion të privilegjuar. Studentë kanë me shumicë. Nuk ka rëndësi se studimet i kanë si trampolinë për të ikur në një vend tjetër. Pacientë kanë.

Disa prej tyre mund të jenë kirurgë dhe fëmijë për të bërë synet kanë sa të duash. Pa marrë parasysh betimin e famshëm të Hipokratit, ka raste që për të bërë ndërhyrje të tilla lënë pacientët të presin. E natyrshme, sepse ndërhyrja është me e lehtë e paratë më të shumta. Madje këto para jepen me gjithë zemër për devocion ndaj perëndisë. Gjithashtu dhe shteti i privilegjoi ata. Megjithëse mjekët nuk janë ngritur për rritje page, para ca kohesh pagat ua rriti.

Për të mos u përqendruar vetëm në probleme financiare dhe për të përmirësuar diçka thelbësore në arsim, është dhe në interesin e mjekëve pedagogë të Universitetit të Mjekësisë të bashkohen me pedagogët e tjerë për një kërkesë tjetër të rëndësishme që përkon dhe me interesin e studentëve. Të hiqet kriteri i notës mesatare si prag për të vijuar studimet, sepse bie ndesh me të drejtën kushtetuese për arsimim.

Gjithashtu studentet fitojnë degët më të mira, përfshi dhe mjekësinë, me nota fiktive, rezultat i kurseve të paligjshme, ndërhyrjeve, miqësisë, kopjimit etj., ose ngelin pa vijuar studimet për shkak të këtyre notave dhe ky problem është ngritur dhe nga pedagogët e Universitetit të Mjekësisë.

Krahas shpërndarjes jo të drejtë nëpër degë studimi, ky kriter ka boshatisur universitetet, kryesisht të rretheve, dhe ka bërë që të ikin dhe ata të rinj që ishin të pavendosur te iknin nga vendi. Gjithashtu ka bërë që shkollat tona të duken të ndara në bazë gjinore; të gjitha vajzat infermieri mjekësi, shkenca humane etj., ndërsa të gjithë djem në shkolla profesionale.

Në Itali diplomohen 90-vjeçarët (para dy ditësh një rast), ndërsa këtu nuk lejohen të shkojnë në shkollë 18- vjeçarët dhe se kuotat janë të paplotësuara.