E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Kur kemi pasivizim e diskriminim, ekziston mundësia e manipulimit edhe të regjistrimit!?

14 Tetor 2022, 11:34, Opinione Refik Hasani

Kur kemi pasivizim e diskriminim, ekziston mundësia e manipulimit edhe

Refik Hasani

Procesi i regjistrimit në Serbi i filluar më datën 1 tetor, është duke u zhvilluar, në këtë regjistrim, ka vështirësi, sepse në komunën e Medvegjës janë 21 regjistrues të udhëhequr nga 4 instruktorë dhe vetëm 3 regjistrues shqiptarë.

Po ashtu në fshatin më të madhë të Malësisë së Bujanocit në Zarbicë, regjistrimi ka filluar me vonesë, prej 10 ditëve. Kurse në Preshevë ka mjaft regjistrues, dhe regjistrimi është duke shkuar më mirë, edhe pse numri është i madh në diasporë, e sigurisht duan të regjistrohen edhe kjo kategori.

Popullata në krahinën shqiptare që përfshin Medvegjë, Bujanoc e Preshevë, ka interesim të jashtëzakonshëm të marrë pjesë në këtë proces jetik të regjistrimit, dhe është e njoftuar lidhur me procesin e regjistrimit. Kurse për pjesëmarrjen e shqiptarëve që jetojnë në Vojvodinë e Serbi nuk kemi njohuri sikurse edhe për shqiptarët në Rajonin e Sangjakut.

Rezultati kur të mbarojë procesi më datën 31 tetor, presim të jetë me një pjesëmarrje të madhe, pasi siç dihet në vitin 2011, shqiptarët në krahinën shqiptare kanë bojkotuar regjistrimin, kurse në vitin 2002, ishte me një pjesëmarrje simbolike, kurse në vitin 1991, regjistrimi, ishte kur ngrehina artificiale e quajtur RSFJ-ja ishte në shpërbërje, pra nga kjo bie që vetëm regjistrimi para 4 dekadave në vitin 1981, ishte kur shqiptarët e kësaj krahine morën pjesë, dhe ishte afër realitetit dhe objektivitetit faktik.

Rreziku ekziston dhe është i pranishëm, nga kjo është në njëfarë mënyre thuhet se nuk po regjitrohen, pasi nuk regjitrohen në databazë qendrore!!!

Përmes këtij shkrimi shfrytëzoj rastin të bëj apel për regjistrim sa më masiv të shqiptarëve kudo që janë me punë e veprim, duke përfshirë edhe Diasporën, të marrin pjesë në regjistrim.

Po, ashtu kërkoj që OSBE-ja dhe instanca të BE-së që janë në ndjekje të procesit, vëzhgim e monitorim të zgjedhjeve të monitorojnë të gjitha fazat dhe proceset e regjistrimit duke përfshirë deri në publikimin e tyre.

Por ka mundësi për manipulim dhe mospasqyrim real të këtij procesi të regjistrimit, por kjo mund të shmanget vetëm falë OSBE-së dhe instancës së BE-së.

Në krahinën shqiptare, kur kemi një diskriminim më të madh në këtë pjesë të Europës, kur kemi pasivizim të adresave dhe pastrim etnik në mënyrë institucionale, ekziston edhe mundësia e manipulimit edhe të këtij regjistrimi, prandaj duhet alarmuar instancat më të lartë të BE-së.