LEXO PA REKLAMA!

SHKARKO APP

Ç'kemi zonja Kim?!? Të lutem hiqe maskën, fol diçka!

14 Shtator 2022, 16:38, Opinione Bislim Ahmetaj
Ç'kemi zonja Kim?!? Të lutem hiqe maskën, fol
Lulzim Basha e Yuri Kim

Të lutem hiqe pak maskën, fol diçka, COVID-19 është strukur, ka ikur me pushime të përkohshme, për t’i lënë terren Rusisë putinjane që po kafshon pamëshirshëm popullin ukrainas prej 200 e ca ditësh.

Por përveç shteteve fqinje pro perëndimore helmin e kafshimit Rusia e ka shpërndarë kudo, bile edhe te "miqtë" tuaj, Lul Basha dhe Edi Rama.

Ja ke borxh shtetit tënd të na thuash diçka, ju flisni edhe për motin, edhe për mjedisin, edhe për pordhët e mikut të ngushtë të Vuçiçit që e keni emëruar Kryeministër të "Ballkanit të Hapur" për Shqipërinë tash tri mandate, sidomos në mandatin e tretë.

Na e ke borxh edhe ne demokratëve që e duam Amerikën, në mos më shumë se ju, të paktën sa Ju.

Ne e kemi dëshmuar...

Ne e dinim që Luli s'i përkiste linjës pro atlantike, ndoshta e dinit edhe Ju, por të paktën tani që ta ka dëshmuar edhe shteti që përfaqëson si diplomate, të lutem thuaje nji fjalë.

Mos na mbështet ne demokratëve shqiptarë, shumicës së këtij vendi, por dili për zot vendit tënd të madh që të ka besuar përfaqësimin në vendin tonë të vogël, i cili ka shumë dashuri dhe respekt për vendin tuaj.

Zonja Kim, po të flet një njeri që e do Shqipërinë sa jetën e tij, që e çmon vendin që përfaqësoni Ju, sa lirinë dhe demokracinë që erdhi në vendin tonë nga mbështetja e vendit tuaj.

Të lutem me zemër në dorë, znj. Ambasadore, thuaj diçka, qoftë edhe ndonjë nga ato deklarimet bajate që jemi mësuar të dëgjojmë nga goja juaj si p.sh. "Ne e mbështesim dhe inkurajojmë lidershipin e zotit Basha, apo Alibeaj&co"...

 

Lajmet e fundit nga