E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Guri i protestës! (Kopshti prej guri)

6 Maj 2023, 22:40, Opinione Hysni Gurra

Kopshti prej guri është një nga format më unike në botë të protestës së individit ndaj pushtetit.

Darvish Khan ishte një njeri i shurdhër dhe memec që jetonte me familjen e tij në një fshat 40 km nga qyteti Sirjan, Iran.

Ai jetonte me blegtori dhe bujqësi në kopshtin e tij.

Në vitin 1940 shteti bëri reformën e tokës, reformë e cila i grabiste pronën Darvish Khanit, për qëllime minerare dhe shfrytëzimi të ujit.

Darvishi as nuk fliste as nuk dëgjonte, por kjo nuk e pengoi të mos pajtohej me reformën që e shpronësonte dhe e linte pa mjetin kryesor të prodhimit për të ushqyer familjen e tij.

Ndërsa i detyruar hoqi dorë nga kopshtaria dhe 180 pemët në kopshtin e tij u thanë, ai vuri gurë në të gjitha degët e pemëve frutore dhe u kujdes për to sikur të ishin fruta të vërteta.

Ndonjëherë ne nënvlerësojmë atë që disa njerëz mund të bëjnë ose të krijojnë.

Darvish Khan ishte i vetmi nga fermerët e zonës që protestoi ndaj vendimit të qeverisë, vendim i diktuar nga “oligarkët” e kohës, ama edhe sot e kësaj dite, kopshti i gurit të Darvish Kahnit është një nga atraksionet më të mrekullueshme natyrore, historike, kulturor dhe më e rëndësishmja për mesazhin që përcjell.

Madje, në vitin 1976 u bë një dokumentar lidhur me këtë histori i cili fitoi çmimin e ariut të argjendtë në Festivalin Ndërkombëtar të Filmit në Berlin.

Darvish Khan vdiq në 2007 në moshën 90 vjeçare, ai u varros në të njëjtin kopsht shkëmbor që ndërtoi si formë proteste.

Ndërsa këtu te ne populli ka përkrahur gjithmonë “reformat”, të mira apo jo të mira kanë qenë ato.

Reforma administrative që i la pa shërbime.

Reforma në arsim që boshatisi shkolla e universitete.

Reforma në shëndetësi që shkatërroi spitalet publike për interes të atij privat.

Reforma në polici që kriminalizoi gjithë policinë.

Reforma në drejtësi që nënshtroi gjithë pushtetin e drejtësisë dhe e vuri nën thundrën e një njeriu të vetëm, Apandesitit….

Në të gjitha rastet populli është sjellë si shurdh memec! Jo vetëm kaq, por këtu populli hutohet pas tallavasë, pas sharlatantizmit të Mamaqit, pas gjinjve të Çiljetës, pas finteve të Andi Lilës, i cili në dimër shfaqet me Bashën, e në merkaton e verës kalon huazim te Veliaj… e pas lloj e soj sorollopi.