E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

A është thirrja e Andi Bushatit për rrëmbim armësh, tallja e tij e radhës me Berishën

4 Maj 2023, 12:39, Opinione CNA

A është thirrja e Andi Bushatit për rrëmbim armësh,

Analisti Andi Bushati ka qenë dje në të njëjtin panel me Sali Berishën.

Midis të tjerash, Bushati ka preferuar që kësaj radhe t'i flasë Berishës për manipulimin e zgjedhjeve të vitit 2001, kur Ilir Meta ishte kryeministër.

“Me referencën e vitit 2001, në fillim u njohën votat e PS-së, megjithëse u bë masakër nga kutia e votimit deri te votat, që ishte kryeministër Ilir Meta, nuk duhet ta harrojmë këtë. Por në këtë krahasim çalon diçka, çalon fakti që Partia Socialiste atëherë ishte një parti që ende ishte sensibël ndaj vërejtjeve të ndërkombëtarëve.

Ndërsa sot, kur i bënë presion për prishjen e marrëveshjes së 5 qershorit, tha unë e gris dhe nuk pyes fare,” u shpreh Bushati në ballafaqimin me Sali Berishën.

Ai tha se beteja për të rikthyer votën e lirë në Shqipëri nuk është për 14 majin, por është një betejë që mund të zgjasë edhe me vite, duke i shpallur në sy Berishës humbjen e betejës per 14 majin.

Në të njëjtin panel ku Berisha deklaronte fitoren e thellë.

Por momenti më domethënës i bisedës ishte kur Bushati iu drejtua ish-kryeministrit Berisha duke thënë se vota e lirë nuk mbrohet veçse me armë.

“Kemi arritur në një pikë që pa armë nuk mbrohet vota. 14 maji është një stacion për të testuar rezistencën, jo për të shpallur fitoren. Pra, nëse arrihet të ketë një rezistencë, është një gjë për t’u duartrokitur, por për të shpallur fitoren e votës së lirë në Shqipëri më duket pak utopike,” – u shpreh Bushati.

Nuk u kuptua nëse Berisha e konsideroi tallje apo kurth thirrjen e Bushatit për rrëmbim armësh, por Berisha ju përgjigj se do të jenë në terren për të mbrojtur çdo votë, jo me armë, po do jenë aty në krye të detyrës.

“Çfarë do bëjmë ne? Ne jemi aty në çdo moment, në çdo sekondë, do jemi aty. Nuk jemi me armë, por jemi aty, në krye të detyrës. Në mënyrë absolute ne kemi vetëm një mision: rikthimin e votës së lirë te shqiptarët.
Kush është Edi Rama për votën e lirë po e fakton çdo ditë. Nëse ne nuk do ishim të pranishëm, ne përjashtonim veten nga e drejta e reagimit”, tha Berisha.

Analisti i pavarur, Bushati, ka vite që shqetësohet për votën e lirë.

Bushati ka qenë inspirues i paneleve për bojkotin dhe djegien e mandateve të opozitës.

Bushati ka qenë frymëzues i tavolinave të mbrëmjes kur demokratët ju vërsulën njëri-tjetrit në "betejën" e turpshme për marrjen e selisë.

Bushati dje na paska dalë që t'u bëjë thirrje demokratëve të rrëmbejnë armët që të mbrojnë votat!
Bushati nuk ka votuar asnjëherë për PD-në. Asnjëherë të vetme.

Megjithëse i dhimbset shumë PD-ja dhe i vërsulet si kamikaz i Berishës çdokujt që ai e di se si dhe pse i zgjedh, dje po tallej haptazi me ish-kryeministrin. Ose po e fuste në kurth.

Thirrjet e tij për rrëmbim armësh edhe nëse janë tallje për Berishën, kur bëhen publikisht përbëjnë vepër penale.

Prokuroria nuk ka nevojë që Berisha të bjerë në kurthin e Bushatit dhe të bëhet kontigjent i tij.
Prokuroria e ka sot Bushatin kontingjent të saj. Mjafton të zbatojë ligjin.

A është thirrja e Andi Bushatit për rrëmbim armësh,