web counter
LEXO PA REKLAMA!

SHKARKO APP

App Store
Google Play

E fundit!

x

Dekalogu i lutjeve të një nate vere

21 Korrik 2023, 11:31, Opinione Lutfi Dervishi

Dekalogu i lutjeve të një nate vere

1-O Zot i plotfuqishëm, bëje që nga fondet e IPARD II, asnjë cent të mos ketë shkuar te biznesmenë të dënuar, të skeduar, të kërkuar në vendet e BE-së për vrasje, kokainë apo prostitucion, bëje që asnjë projekt të mos jetë kopsitur në zyrat e AZHBR!

2-O Hyjni, bëje që asnjë cent të jetë harxhuar në projekte fiktive që ekzistojnë vetëm në letra apo në D3.

3-O i Madhërishëm të përgjërohem që asnjë cent të mos jetë devijuar në projekte që nuk kanë lidhje me zhvillimin rural.

4-O i Gjithëpushtetshëm bëj që asnjë cent të mos ketë shkuar te familjaret e zyrtarëve e politikanëve, te besnikët e partisë dhe të qeverisë dhe te patronazhistët.

5-O Mbret i qiellit dhe i tokës bëje të mundur që asnjë cent të mos jetë derdhur si përqindje komisioni për fitimin e projekteve.

6-O Ati ynë edhe nëse kanë marrë ndonjë cent padashje, trego mëshirë, trajtoji si prapësira fëmijësh që kanë nevojë për riedukim pedagogjik.

7-O Mëshirëplotë zbutja zemrën OLAF-it se shpërndarësit e fondeve të IPARD II këtu janë gjini e pashkollë dhe kanë nevojë për trajnim.

8-O Mëshirëmadh, ëmbëlsoja shpirtin Zyrës Evropiane të Prokurorisë Publike që ta kursejë Shqipërinë këtë herë. Ndalja dorën Komisionit Evropian dhe mos ndërprisni financimin e IPARD III.

9-O Perëndi e diellit dhe e Hënës, ndriçoja rrugën SPAK-ut që të mos kapë ndonjë hajdut të vockël në errësirë.

10-O Zot i Madh, bëje që vjedhja e prezumuar e parave te taksapaguesve evropianë të jetë vetëm e thjesht ëndërr e keqe e një nate të nxehtë vere!





20:32 Opinione

ParALdokse

Ankohen se nuk ka drita- kur nga ora 5:30 deri në 20:3...

Lajmet e fundit nga