web counter
LEXO PA REKLAMA!

SHKARKO APP

E fundit!

x

Një monument për emigrantët shqiptarë...

18 Korrik 2023, 20:54, Opinione Ardi Stefa

Një monument për emigrantët shqiptarë...

Po vrisja mendjen sot.

Në Shqipëri kemi lloj-lloj monumentesh.

Të Ushtarit të Panjohur, me fustanellë ose me yll në ballë, të ushtarëve grekë, italianë, të luftëtarëve të '20-ës, të LANÇ, të disa nacionalistëve, të atyre që u vranë në '97-ën, të policëve që mbrojtën Erdoganin, të atyre që u aksidentuan me makina apo ranë edhe nga maja e thanës apo prej fikut...

Të dhjetëra politikanëve të huaj...

Të lloj-lloj politikanëve monstra...

A nuk do të ishte me vend që të kishim edhe një  monument me të cilin do të identifikoheshin të gjithë emigrantët shqiptarë?

Një monument për të gjithë ata që lanë atdheun me dëshirë ose jo, për arsye nga më të ndryshmet, në periudha te ndryshme.

Sepse kontributi i emigrantëve për Shqipërinë ka qenë e mbetet i jashtëzakonshëm, jo vetëm për ekonominë, kulturën e traditën, por edhe për emrin tonë në botë...

Sepse emigrantët e duan Shqipërinë shumë më shumë se ata që jetojnë në të.

Dashuria e tyre ka shumë mall, lot, krenari, dhimbje e kujtime.

Dashuria e tyre ka shumë jetë!

Sikur të kishim një monument për të gjithë bashkëatdhetarët tanë, shpërndarë nëpër botë.

Sepse me ta Shqipëria është e plotë!

Dhe Shqipëria ata duhet t'i dojë, siç ata e duan!

p.s: Piktura ikustruese nga piktori vlonjat Agim Sulaj





Lajmet e fundit nga