web counter
LEXO PA REKLAMA!

SHKARKO APP

App Store
Google Play

Taylor Swift e “shkatërruar”, ndërron jetë fansja gjatë koncertit në Rio de Janeiro

18 Nëntor 2023, 13:59, Lifestyle CNA
Taylor Swift e “shkatërruar”, ndërron jetë fansja
Taylor Swift

Koncerti i Taylor Swift në Rio de Janeiro është shoqëruar me një incident të rëndë. Një fanse e këngëtares humbi jetën mbrëmjen e së premtes gjatë koncertit që këngëtarja e njohur mbajti në stadiumin “Olímpico Nilton Santos” në Rio de Janeiro, raportojnë mediat e huaja.

23-vjeçares Ana Clara Benevides i ra të fikët gjatë shfaqjes dhe besohet se ka pasur një arrest kardiak. Eshtë kjo deklarata që ka dhënë kushërira e saj, Estela Benevides. Mjekët në stadium u përpoqën ta mbanin në jetë vajzën e re, por nuk ia dolën dot.

Në disa video të ndara në rrjetet sociale, Swift u pa duke i’u lutur stafit të stadiumit për t'u dhënë ujë pjesëmarrësve në koncert, pasi sipas burimeve, në stadium ka qenë shumë nxehtë dhe uji nuk është lejuar të futet nga jashtë.

Menjëherë pas përfundimit të shfaqjes, Swift reagoi për ngjarjen tronditëse, ndërsa mes rreshtave shkroi se fansja kishte ndërruar jetë përpara se të hynte në stadium.

"Nuk mund ta besoj që po i shkruaj këto fjalë, por me zemrën e copëtuar them se humbëm një fans më sonte para shfaqjes sime. Unë as nuk mund t'ju them se sa e shkatërruar jam nga kjo", shkroi Swift.

Brazili prej disa ditësh është përfshirë nga një valë e nxehti dhe mendohet se gjatë koncertit vapa është shtuar edhe më tej duke bërë që temperaturat të arrinin më lart se 40 gradë.

Gjatë javës një djalë 2-vjeç ndërroi jetë në Brazil ku autoritetet raportuan se ai ishte harruar në furgonin e çerdhes dhe kishte ndërruar jetë si pasojë e temperaturave të larta./CNA

 





Lajmet e fundit nga