web counter
LEXO PA REKLAMA!

SHKARKO APP

App Store
Google Play

Paketa më e shtrenjtë në histori, sa kushton një “American Spirit” e Kurt Cobain në ankand

16 Nëntor 2023, 09:32, Lifestyle CNA
Paketa më e shtrenjtë në histori, sa kushton një
Kurt Cobain

Paketa më e shtrenjtë e cigareve e shitur ndonjëherë në ankand mund të jetë ajo e Kurt Cobain, këngëtar i Nirvana. Mediat ndërkombëtare raportojnë se gjatë kësaj jave do të mbahet ankandi për atë që cilësohet si “ndoshta paketa më e shtrenjtë e cigareve ndonjëherë” dhe bëhet fjalë për një paketë të pahapur të cigareve American Spirit.

"American Spirit" ishin marka e preferuar e cigareve të yllit të ndjerë të rock-ut," thuhet në përshkrimin e ankandit, ndërsa kjo paketë u shpëtua nga shoku i dhomës i Cobain në klinikën e rehabilitimit në Los Angeles, ku ai qëndroi për pak ditë përpara se të vetëvritej.

Kjo paketë është ende e ruajtur në mbështjelljen origjinale të celofonit dhe do të shitet nga Julien's Auctions si pjesë e ankandit të saj. Paketa vlerësohet në 800 - 1200 dollarë, ndërsa deri në njoftim të ankandit oferta më e lartë arriti në 2,000 dollarë.

Më herët disa artikuj të tjerë të Cobain kanë dalë në shitje, duke përfshirë xhinset që ai kishte veshur në videoklipin "Heart-Shaped Box", një seri shënimesh të shkruara me dorë dhe një argjle të verdhë. Kitara elektrike Fender Mustang e luajtur nga Cobain në performancën e tij të fundit publike para se të vdiste në prill 1994, pritet të kushtojë 1 - 2,000,000 dollarë në ankand./CNA





Lajmet e fundit nga