web counter
LEXO PA REKLAMA!

SHKARKO APP

App Store
Google Play

E fundit!

x

Luajti rolin e Princes Dianës, Debicki: Nëna ime qante në ceremoninë e kortezhit

15 Nëntor 2023, 14:53, Lifestyle CNA
Luajti rolin e Princes Dianës, Debicki: Nëna ime qante në
Elizabeth Debicki, aktorja që luan rolin e princeshës Diana

Elizabeth Debicki, aktorja që luan rolin e princeshës së ndjerë Diana në serialin “The Crown” ka rikujtuar momentin kur ishte ende një vajzë e vogël dhe ka ndjekur përmes ekranit ceremoninë mortore të princeshës.

Në një intervistë për "ABC Entertaiment", Debicki ka thënë se mamaja e saj është përlotur ndërsa ndiqte nga televizionet kortezhin e varrimit.

“Më kujtohet shumë, shumë mirë reagimi i nënës sime. Mbaj mend që isha ulur në dyshemenë e dhomës sonë të ndenjes dhe nëna ime po shikonte kortezhin e varrimit dhe po qante.” – ka thënë Debicki.

 Ylli i “The Crown” tha se ajo dhe të gjithë aktorët e tjerë që janë të përfshirë në shfaqje ndjenin një përgjegjësi të madhe, për t'i bërë gjërat siç duhet.

“Ne u përpoqëm maksimalisht që ta bënim historinë e Dianës siç duhet,” tha ajo.

Debicki, e cila fitoi një nominim për Emi për rolin e Dianës gjatë sezonit të pestë të The Crown, e quajti mundësinë për të luajtur princeshën e ndjerë një gjë shumë të vështirë dhe gjithashtu shumë të bukur.

Sezoni i gjashtë dhe i fundit i shfaqjes do të përshkruajë ditët e fundit të ikonës përpara vdekjes së saj tragjike në gusht 1997.

Pjesa e parë e këtij sezoni shfaqet më 16 nëntor në Netflix./CNA





Lajmet e fundit nga