Rrëfehet Stresi: Vuajta mungesën e vëmendjes, ja përse e thërrisja dajën “baba”

17 Nëntor 2023, 14:25, Lifestyle CNA

Rrëfehet Stresi: Vuajta mungesën e vëmendjes, ja përse e

Reperi Stresi

Pavarësisht se sa i fortë mund të duket, reperi i njohur Stresi nuk ka kaluar aspak një jetë të lehtë.

Në një intervistë për mediat ai ka rrëfyer të gjitha dhimbjet e fëmijërisë dhe vështirësitë nëpër të cilat ka kaluar, ku ka theksuar se për një kohë të gjatë për shkak se babai vuante internimin ai ka thirrur “baba” dajën.

“Kur ka ardhur pas demokracisë që është kthyer nga burgjet e diktaturës ka qenë një njeri me mjekër. Kur ka ardhur në shtëpi në '92 e shihja si i frikësuar dhe thoja kush është ky njeri. Po është e vërtetë, daja Guxim quhet. E thirrja dajën baba sepse nuk e kisha babain afër nga regjimet. Nuk e kam pas fiksuar dot. Kur erdhi babi e kisha pak problem, e shifja, por nuk i shkoja. Pastaj erdhi '97-ta dhe iu desh te merrej me politikën. Isha në klasë të dytë sepse në klasë të parë zysha më ka rrahur shumë. Ka qenë një racizëm shumë i madh ndaj meje. Nuk e kam pas fajin as unë dhe as prindërit e mi, ky është një faj që… Unë jam rrahur shumë nga kjo zyshë në klasë të parë. Në klasë të dytë e mbaj mend babain që vinte dhe më mrerte tek shkolla pastaj i desh të shkëputej për arsye politike deri në vitin 1999.” -tha Stresi.

Reperi ka treguar se ka qenë një fëmijë i prapë dhe se askush nuk i kishte treguar vëmendjen dhe kujdesin e duhur.

“Kam jetuar te gjyshja sepse nuk kisha mundësi. E mbaj mend që u shitshin ato librat në atë kohë, unë i kam vjedhur ato sepse nuk kisha me çfarë t'i bleja. Nuk ka pasur njeri kohë që të merrej me mua. Në të gjithë ata nxënësit unë isha më i vuajturi. Në mbledhje me prindërit unë s'i kam pasur kurrë prindërit, por ka ardhur shoku i babait. Në raport me fëmijët e tjerë unë kam qenë shumë problematik dhe gjithmonë kam pasur shokë më të mëdhenj sepse s’më dilnin këta të moshës sime. Unë ikja dhe biçikletë dhe nuk më gjenin. Sado që më mbyllnin në shtëpi unë dilja. Mua të më mbyllësh në një dhomë unë bëhem shumë keq.” -tha reperi.

Ai nuk ka lënë pa përmendur edhe pikën e tij të dobët mamanë për të cilën tha se ajo ndien çdo të keqe që atij mund t'i ndodhë. Pikërisht këtij raporti të veçantë që ka me të ëmën Stresi pak kohë më parë i ka dedikuar edhe një këngë./CNA