web counter
LEXO PA REKLAMA!

SHKARKO APP

App Store
Google Play

“Prej 10 vitesh vazhdoj të luftoj”/ Ish-opinionistja rrëfen për sëmundjen e rëndë nga e cila vuan

24 Nëntor 2023, 19:40, Lifestyle CNA
“Prej 10 vitesh vazhdoj të luftoj”/ Ish-opinionistja
Balina Bodinaku

Ish opinionistja e Big Brother Vip Balina Bodinaku ka bërë një rrëfim si rrallëherë ku ka treguar se është diagnostikuar me një sëmundje të rëndë me të cilën po lufton prej 10 vitesh.

Ndonëse nuk zbuloi shumë detaje të sëmundjes, Bodinaku theksoi se vazhdon të luftojë me të dhe tashmë është kthyer si një sfidë dhe si një sprovë me të cilën duhet të prabllet çdo ditë.

Për ish opinionisten diagnostikimi me këtë sëmundje ka qenë një nga momentet më të vështira të jetës së saj.

“Momenti më i vështirë në jetën time është momenti kur unë u diagnostikova me një sëmundje të rëndë, ndoshta të pashërueshme, i cili më ndryshoi jetën, më ndryshoi gjithçka në jetën time, është një sëmundje me të cilën vazhdoj luftoj… Ky është momenti më i vështirë. Por pavarësisht se duket si… okej, është moment i vështirë, nuk është gjë e bukur për të kaluar, unë kam shumë vite që merrem me këtë sëmundje, por brenda së keqes, ka edhe shumë gjëra të mira që fitojmë nga sfida. Unë e quaj një sfidë, e quaj një provë dhe mendoj që nuk jam e vetmja që kaloj prova. Të gjithë i kanë provat e tyre në jetën e tyre. Kjo është ajo që mua më takoi të ndeshem me të dhe brenda saj sigurisht ka shumë mësime.”

Mëson shumë, merr shumë, njeh veten ndryshe, njeh të tjerët ndryshe, sheh veten dhe botën ndryshe. Kupton që nuk ekziston asgjë e pamundur dhe kufijtë nuk janë ata që mendojmë ne që janë, nuk ka kufij.

Është thjesht çështje perceptimi, është thjesht çështje vetëbesimi, është thjesht çështje e të punuarit me veten dhe të dashurit për të parë gjënë e mirë në gjithçka që ndodh, në fund të ditës, jemi në këtë jetë për të kaluar edhe prova dhe pjesë e rritjes sonë si njerëz dhe të qenit ata që ne jemi, kështu si jemi janë edhe provat dhe nuk e shikoj këtë si një dramë, e shikoj si një vështirësi me të cilën punoj”, tha Bodinaku në një intervistë tek Rudina./ CNA





Lajmet e fundit nga