web counter
LEXO PA REKLAMA!

SHKARKO APP

App Store
Google Play

Britney Spears apo Taylor Swift? Gafa e radhës e presidentit Biden

21 Nëntor 2023, 09:19, Lifestyle CNA
Britney Spears apo Taylor Swift? Gafa e radhës e presidentit Biden
Joe Biden

Presidenti amerikan, Joe Biden, ka bërë një tjetër gafë gjatë ceremonisë vjetore të Shtëpisë së Bardhë para festës së Falënderimeve. Presidenti, i cili një ditë më parë festoi ditëlindjen e 81-të, teksa fliste para gazetarëve ka ngatërruar dy këngëtaret Britney Spears me Taylor Swift.

Ai përdori emrin Britney në një referencë të dukshme për turneun aktual që Taylor Swift po mban jashtë shtetit.

"Sky News" raporton se presidenti iu referua turneut të Swift në Brazil, por përmendi emrin e Britney-t.

"Vetëm për të arritur këtu, Liberty dhe Bell duhej të mposhtnin disa shanse të vështira dhe konkurrencën. Ata duhej të punonin shumë, të tregonin durim dhe të ishin të gatshëm të udhëtonin mbi 1000 milje. Mund të thuash se është edhe më e vështirë sesa të marrësh një biletë për turneun e Rilindjes ose, ose turneun e Britney-t. Ajo është poshtë, është disi ngrohtë në Brazil tani", tha Biden.

Britney Spears nuk është aktualisht në turne dhe as Beyonce, e cila e ka përfunduar turneun e saj të Rilindjes në tetor. Megjithatë, Swift është në mes të një turi ndërkombëtar. Swift e shtyu koncertin e saj në Rio de Janeiro të shtunën për shkak të nxehtësisë ekstreme që këtë nëntor ka pushtuar gjithë Brazilin.

Dy ditë më parë, një fanse 23-vjeçare ka humbur jetën gjatë turneut të këngëtares.

Ndërkohë presidenti amerikan është i njohur për gafat e tij gjatë fjalimeve, dhe shpesh është tallur në mediat ndërkombëtare për këto ngatërresa./CNA





Lajmet e fundit nga