web counter
LEXO PA REKLAMA!

SHKARKO APP

App Store
Google Play

E fundit!

x

"Ish-Përputhsja" zbulon se kush ia ka "thyer" zemrën për herë të parë

28 Shtator 2022, 12:53, Lifestyle CNA
"Ish-Përputhsja" zbulon se kush ia ka "thyer"
Jasmin Kadriu

Jasmin Kadriu është një ndër vajzat që bëri më shumë bujë përgjatë sezonit të dytë të "Përputhen". U dallua që në hyrje për bukurinë dhe shkathtësinë e saj, por pavarësisht kësaj ajo nuk ka hezituar asnjëherë që të tregojë edhe anën e saj të butë para publikut. 

Gjatë emisionit ajo doli me disa nga djemtë e programit, por lidhja e saj me Andin ishte ajo që u konsolidua me shumë dhe u vazhdua për një kohë të shkurtër edhe jashtë. Gjatë periudhës kur dyshja shfaqej si çift, kanë pasur një marrëdhënie disi problematike, kjo për shkak se sipas Jasminës, Andi nuk i kushtonte shumë vëmendje e për më tepër ka shfaqur tepër afrimitet edhe me vajza të tjera, gjë që e bënte Jasminën që të mos ndihej edhe aq mirë. 

Gjithsesi, kjo lidhje i shkëput pak kohë pas daljes nga programi dhe mbase të gjithë ju deri tani menduat se ka qenë Andi ai që ia ka thyer zemrën, pasi ai është një ndër djemtë për të cilin e kemi parë Jasminën të prekur, por në të vërtetë një postim i Jasminës tregon diçka komplet tjetër. 

"Kujdes nga një vajzë, zemra e së cilës është thyer për herë të parë nga babai i saj"- thuhet në një postim që bukuroshja ka publikuar së fundmi. 

"Ish-Përputhsja" zbulon se kush ia ka "thyer"

Kujtojmë se Jasmina ka folur për fëmijërinë e saj të vështirë gjatë kohës që ishte në program, ku ka rrëfyer se prindërit e saj janë divorcuar që kur ajo ishte 3 vjeç gjë të cilën ajo e vuan në vetvete edhe në moshë madhore.

“Fëmijërinë e kam pasur të lumtur por që sakrificat i ka bërë gjithmonë ime më dhe familja e mamit tim. Nuk është se më ka munguar ndonjëherë asgjë dhe më vjen të them se jam rritur më mirë seç duhet gjatë fëmijërisë, kam pasur dhe gjëra që nuk më duheshin. Por që sakrificat nuk kanë munguar si në çdo familje. I kam të divorcuar që 3 vjeç dhe që nga ai moment që ata janë divorcuar vetëm familja e mamit është përgjigjur, dajat dhe gjyshi. Aktualisht me ata kam marrëdhënie dhe me askënd tjetër. Nuk mbaj fare kontakte, nuk kam pasur ndonjëherë dhe nuk është se kam dëshirë të kem ndonjëherë. Në momentin që unë jam rritur me atë lloj mungese mund ta kaloj të gjithë jetën dhe nuk e kam problem”- tha Jasmina në atë kohë./CNA.al





Lajmet e fundit nga