Dikur e prezantonte Amin/ Çfarë mendon Ermal Mamaqi për Borën si moderatore e "DWTS"?

22 Nëntor 2022, 09:37, Lifestyle CNA

Dikur e prezantonte Amin/ Çfarë mendon Ermal Mamaqi për

Ermal Mamaqi Bora Zemani

Ermal Mamaqi ka qenë mjaft prezent në mediat rozë kohët e fundit dhe ka bërë mjaft bujë me deklaratat e tij.

Por kësaj here nuk bëhet fjalë për librin e tij, por për opinionet për moderatorët e tjerë.

Së fundmi Ermali ka qenë i ftuar në një intervistë ku ndër të tjera është pyetur për moderatoren Bora Zemani, e cila aktualisht po moderon spektaklin “Dancing With The Stars”, ku dikur ka prezantuar vetë.

I pyetur nga moderatorja e “RTV Ora” se çfarë mendon për Borën si prezantuse (duke marrë parasysh se ka qenë Ami, ajo që dikur e ka prezantuar këtë format), ai u shpreh:

“Më pëlqejnë dhe Bora dhe ata. Bora besoj që është në habitatin e vet dhe ia mori dorën goxha shpejt edhe kësaj përgjegjësie, por është përgjegjësi më e lartë kjo për ta përballuar”, tha ai ndër të tjera.

Kujtojmë se pak kohë më parë edhe Dalina Buzi ka folur lidhur me prezantimin e Borës në këtë format.

“Po tani ai format si anglez që është, është shumë i shpejtë dhe me minutazhe të përcaktuara dhe nuk të jep mundësi të shpalosësh gjithë artin si prezantuese sepse vëmendje aty marrin konkurrentët dhe juria. Tani Bora ka diçka shumë të mirë që ia kam thënë personalisht, që nuk ka protagonizëm, pra nuk ndërhyn kot thjesht sa për të folur dhe nuk e kthen 'show'-n te vetja. Edhe kur u bë protagoniste në media, u bë nga një histori, jo nga moderimi i saj. Kështu që është shumë ok për këtë format. Ju që doni më shumë minuta prej saj, prisni se rrugës do ulet numri i konkurrentëve e do zgjatet koha e diskutimeve”- shkroi Dalina./CNA.al