web counter
LEXO PA REKLAMA!

SHKARKO APP

App Store
Google Play

Përparim Kabo, mesazh ngushëllimi/ “Ma këpute shpirtin vëlla Agim Rada, je artist i rrallë”

11 Korrik 2023, 16:14, Kulturë CNA

Përparim Kabo, mesazh ngushëllimi/ “Ma këpute shpirtin

Profesor Përparim Kabo ka dhënë një mesazh ngushëllimi pas ndarjes nga jeta të skulptorit të njohur, Agim Rada.

Kabo kujton bisedën me Agim Radën, i cili e kishte informuar për sëmundjen e tij, ndërsa tregon se nuk e priste ikjen kaq të shpejtë.

Profesori e cilëson skulptorin si një shpirt të bukur rebel që ka bërë shqiptarët krenarë me veprat e tij.

“Lamtumirë Agim Rada!

Ma këpute shpirtin vëlla, sa herë që bisedonim mendoja se isha në një tempull ku paqja fliste me artin, arsyeja gjente binjakun dhe dinjiteti ishte mirë me veten... Më the që jam pa qejf, por nuk the që do të iki... Na mbeti statuja e Fishtës pa e vendosur në qendër të Tiranës...Ti rebel i bukur dhe ti shpirt i bukur rebel. Sa krenar e bëje shqiptarin... E fundit vepër jotja ishte busti i Mehdi Frashërit, një nga mendjet më të bukura të kombit... Si më the herën e fundit... Të lutem më merr edhe mua një herë në Përmet... Artistë si ty Agim Rada Shqipëria i ka të rrallë sepse arti yt ishte pathos, etos dhe logos... Për kurajë askush nuk ta kalonte, as për shikim larg, por ja që zemra jote e bukur heshti... dhe Skënderbeu që kishe në dorë vajton sot!  Ah ato duart e tua gjithë allçi dhe baltë... Mbruje me pasion dhe atdhetari gjithçka krijove... Agim, ike në detet e përjetësisë.... Ma hidhërove shpirtin Mik... Po, po ti e meritoje fjalen Mik, si rrallëkush... Dheu i lehtë artisti me A të madhe Agim Rada!

P.Kabo. 11 korrik, 2023.”, thuhet në mesazhin e tij./ CNA.al





Lajmet e fundit nga