web counter
LEXO PA REKLAMA!

SHKARKO APP

App Store
Google Play

“Mjeshtër i fjalës dhe metaforave”/ Nderohet poeti Xhevahir Spahiu në 80-vjetorin e lindjes

4 Mars 2025, 11:36, Kulturë CNA

“Mjeshtër i fjalës dhe metaforave”/ Nderohet poeti

Poeti i njohur Xhevahir Spahiu, më datë 1 mars festoi 80-vjetorin e lindjes dhe me këtë rast, sot, Akademia e Shkencave e Shqipërisë po zhvillon një veprimtari shkencore jubilare.

Nderimi që i bëhet Spahiut përkon edhe me ditëlindjen e autorit për kontributin e rrallë, në atë që është konideruar si mjeshtër i fjalës dhe metaforave.

Jeta dhe krijimtaria e poetit akademik Xhevahir Spahiu

Xhevahir Spahiu lindi më 1 mars të vitit 1945 në Malind të Skraparit. Kreu studimet e larta në degën e Gjuhës shqipe e të letërsisë në UT (1967).

Ka punuar gazetar në “Zërin e popullit” (1968–1977), redaktor në revistën “Nëntori” (1978– 1986), mësues (1986–1989), libretist në Teatrin e Operës dhe Baletit (1989–1993), sekretar i përgjithshëm i Lidhjes së Shkrimtarëve dhe Artistëve të Shqipërisë (1993–1998) dhe kryetar i saj (1998– 2001).

Gjatë jetës së tij ka botuar mbi 50 vepra poetike, monografi e studime estetike, mes të cilave shquhen vëllimet poetike; “Vdekje perëndive” (1977), “Zgjimi i thellësive” (1979), “Nesër jam aty” (1987), “Kohë e krisur” (1991), “Ferrparajsa” (1994), "Pezull” (1996), “Rreziku” (2001) etj.

Botime në gjuhë të huaj:

Libra dhe pjesë të zgjedhura të krijimtarisë poetike janë botuar në anglisht, frëngjisht, gjermanisht, spanjisht, italisht, holandisht, maqedonisht, turqisht, rusisht, greqisht, rumanisht, arabisht, japonisht, kineze, kroatisht, hebraisht etj.

Ka fituar dhjetëra çmime kombëtare e ndërkombëtare në krijimtari letrare, publicistikë, tekste muzikore dhe skenarë filmash.

Është dekoruar me urdhra të lartë dhe medalje:

Udhri "Mjeshtër i madh" dhënë nga Presidenti i Republikës, Tiranë 2005;

Medalja “Naim Frashëri”, 1972;

Medalja e Punës, 1974;

Urdhri “Naim Frashëri”, kl.II, 1982./CNA 

 





17:13 Kulturë

LAMTUMIRË LEGJENDË

Ish-futbollisti i Kombëtares dhe i disa klubeve në Shqipër...

Lajmet e fundit nga