web counter
LEXO PA REKLAMA!

SHKARKO APP

App Store
Google Play

Koncerti i muzikantëve kroatë në Tiranë dhe Shkodër mahniti publikun

30 Qershor 2025, 13:10, Kulturë CNA

Koncerti i muzikantëve kroatë në Tiranë dhe Shkodër

Organizuar nga Ambasada e Republikës së Kroacisë në Republikën e Shqipërisë, në bashkëpunim me Arqidioqezën Tiranë–Durrës dhe Arqidioqezën Shkodër–Pult, fundjavën e kaluar u mbajtën koncerte të muzikës sakrale.

Të shtunën, më 28 qershor 2025, koncerti u zhvillua në Katedralen e Shën Palit në Tiranë, ndërsa një ditë më vonë, të dielën, më 29 qershor, i njëjti program u interpretua në Katedralen e Shën Shtjefnit në Shkodër.

Në koncerte performuan muzikantët e shquar kroatë Elizabeta Zalovi? (organo) dhe An?elko Krpan (violinë), duke prezantuar një program të përzgjedhur me kujdes – nga Handel deri te kompozitorët kroatë Sorko?evi?, Šulek, Klobu?ar, Leš?an dhe Uhlik.

Koncerti i muzikantëve kroatë në Tiranë dhe Shkodër

Veprat muzikore u interpretuan me një ndjeshmëri të jashtëzakonshme ndaj hapësirës sakrale, dhe përshtypjet e të pranishmëve – vendas, diplomatikë dhe kishtarë – dëshmojnë për vlerën e lartë artistike dhe shpirtërore të koncertit.

Duke iu drejtuar publikut, ambasadori i Republikës së Kroacisë në Shqipëri, prof. dr. sc. Zlatko Kramari?, theksoi: “Sonte i dëgjojmë dy muzikantë të jashtëzakonshëm kroatë jo si të ftuar, por si një urë mes dy kulturave: kroate dhe shqiptare, mes dy brigjeve të Adriatikut, mes dy traditave që e kuptojnë njëra-tjetrën për mrekulli, edhe nëse nuk flasin të njëjtën gjuhë.”

Koncerti i muzikantëve kroatë në Tiranë dhe Shkodër

Ky aktivitet kulturor shënoi 12-vjetorin e anëtarësimit të Republikës së Kroacisë në Bashkimin Europian si dhe 1100-vjetorin e Mbretërisë Kroate./ CNA





09:27 Kulturë Agim Xhafka

PASQYRA E KRISUR

Nisi kot si muhabet. Për fjalën i krisur. Ç’kuptim ka, kur...

Lajmet e fundit nga