web counter
LEXO PA REKLAMA!

SHKARKO APP

E fundit!

x

Biblioteka “Thoma Turtulli” në Korçë/ Godina historike do të rikonstruktohet duke ruajtur identitetin

29 Qershor 2025, 22:03, Kulturë CNA

Biblioteka “Thoma Turtulli” në Korçë/ Godina

Biblioteka “Thoma Turtulli” në Korçë, që quhet edhe biblioteka e fëmijëve, ka shërbyer ndër vite për breza pa fund që kanë shkuar e kanë marrë libra për të lexuar. Një bibliotekë e falur nga filantropi Thoma Turtulli për fëmijët e qyetit të Korçës.

Kështu dukej dikur kjo bibliotekë, e cila sot e kësaj dite është pjesë e nostalgjisë së shumë personave që përvojën e parë në një bibliotekë e patën teksa hapnin në shkallët e kësaj godine që shërbeu për dijen e tyre.

Por sot, mbase të frustruar nga objekte që shërbejnë për ndërtime dhe për të kërkuar sadopak vëmendje në rrjetet sociale, janë publikuar foto të kësaj godine i përkasin realitetit, por që nuk thonë të vërtetën. Komente të rëndomta, pa pasur informacion, me gjysmë të vërteta, por fatkeqësisht edhe me gënjeshtra.

Çfarë po ndodh në fakt me bibliotekën “Thoma Turtulli” në Korçë?

E vërteta është se atje po kryhet një investim dhe gjithçka duket mjaft mirë.

CNA mori informacion zyrtar nga Bashkia e Korçës. Burime nga ky institucion thanë për CNA se është një fond prej 250 milionë lekë të vjetra, i cili do të jetë një investim i plotë për rikonstruksionin e kësaj godine. Një investim, i cili nuk është thjesht dhe vetëm një rregullim i fasadës apo çatisë, por i plotë. Do ta kthejë atë bibliotekë fëmijësh në një godinë thuajse të re, e cila do të ketë edhe hapësira teknologjike, bibliotekën e fëmijëve apo vendet e hapura për lexim. Rikonstruksioni përfshin fasadat, çatinë, dyert, dritare dhe gjithçka tjetër.

Për kuriozitetin e spekulantëve të rrjeteve sociale, por veçanërisht për të gjithë ata që kanë ende kujtime nga ky institucion, e mbase janë shqetësuar se biblioteka nuk do të jetë si dikur, dyert e dritaret janë dërguar për restaurim të plotë dhe do të rikthehen në gjendjen e tyre fillestare.  Pra nuk janë hequr dhe do të hidhen, por me përfundimin e plotë të rikonstruksionit të godinës do të rikthehen në vendin e tyre, si dikur.

Aktualisht një derë provizore është vendosur për të parandaluar hyrjet e paautorizuara në brendësi të bibliotekës, ku puna vijon për çdo detaj të saj, teksa edhe zona do të rrethohet gjatë rikosntruksionit të plotë dhe për të pavërtetat që shkruhen lartë e poshtë në rrjete sociale.

Ky është një investim mjaft i rëndësishëm për fëmijët dhe për qytetin e Korçës dhe në fund do të kemi një bibliotekë fëmijësh të re, të rikonstruktuar, e cila do të ruajë njëqind përqind identitetin e saj arkitekturor dhe gjithçka tjetër përfshirë dyert dhe dritaret, apo objekte te tjera që janë pjesë e kësaj godine prej dekadash do të rivendosen pasi të rikonstruktohen për shkak të dëmtimeve që kanë marrë me kohën./CNA





09:27 Kulturë Agim Xhafka

PASQYRA E KRISUR

Nisi kot si muhabet. Për fjalën i krisur. Ç’kuptim ka, kur...

09:17 Kulturë Agim Xhafka

FUSTANI

Kur i thashë Cales se ditën e dasmës sime dhe unë vesha fu...

Lajmet e fundit nga