E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

"Zyliha Miloti, aktorja e 1000 roleve"/ Dokumentar kushtuar jetës dhe artit të ikonës së humorit

28 Qershor 2025, 16:01, Kulturë CNA

"Zyliha Miloti, aktorja e 1000 roleve"/ Dokumentar kushtuar jetës

“Zyliha Miloti, aktorja e 1000 roleve”, u titullua dokumentari kushtuar jetës dhe karrierës së një prej ikonave më të mëdha të skenës shqiptare, që u shfaq në kinemanë e qytetit të Shkodres.

"Zyliha Miloti, aktorja e 1000 roleve"/ Dokumentar kushtuar jetës

Me skenar të Klodiana Shpendit dhe regji të Arjan Çuliqit, dokumentari solli emocione të forta, më shumë se 65 vite të jetës dhe artit të mjeshtres së madhe. Miqtë dhe kolegët e Milotit ndanë kujtime të shumta gjatë rrugës së përbashkët artistike.

Katër prej miqve, dy aktorët e mëdhenj, Besnik Çinari dhe Rita Gjeka, kompozitori Osman Mula dhe regjisori Arjan Çuliq, ndajnë vlerësimet për aktoren.

"Zyliha Miloti, aktorja e 1000 roleve"/ Dokumentar kushtuar jetës

“Një jetë kam punuar me Zylin. Aktore e madhe e humorit. Kam pasur fatin që e kam pasur partnere në skenë për më shumë se 35 vite. Zyli është për një njeri astmatik si bombul, që e ke kudo me vete. I ka kushtuar jetën teatrit dhe ka sakrifikuar shumë”,tha Mjeshtri i Madh, Besnik Çinari.

"Zyliha Miloti, aktorja e 1000 roleve"/ Dokumentar kushtuar jetës

“Unë mendoj se është pak një seri, duhet një dokumentar me shumë seri. Veç unë them e bëj një seri, imagjino sa bashkëpuntorë ka patur ajo në jetë. Ajo është mbretëresha jonë. Thuhet 1 mijë role, por Zyli mund të ketë edhe 2 mijë. Nëse u japim një dorë, mund të ketë edhe të tjerë, por ne duhet t’ia japim me zemer dorën brezit të ri”,-tha aktorja Rita Gjeka.

“Është kënaqësi për mua të jem në Shkodër, në një event tepër të rëndësishëm, për një aktore të shkëlqyer që ka lënë vlera në artin shqiptar. Artisten e skenës dhe të artit, e cila me artin e saj ka bërë që të kënaqen të gjithë. Ajo është e pakrahasueshme dhe fat për ne që e kemi”,-tha Osman Mula.

“Të bësh dokumentar për Zyliha Milotin, këtë aktore të përmasave të mëdha është nder për mua, por është edhe një përgjegjësi e madhe. Të shpalosësh për 1 orë jetën e 65 viteve është e vështirë, e sidomos për aktorë që vijnë një herë në 100 vite”,-tha Arjan Çuliq.

"Zyliha Miloti, aktorja e 1000 roleve"/ Dokumentar kushtuar jetës

Ikona e humorit Zyliha Miloti, mes emocionesh, tha se publiku ka qënë frymëzim për të.

“Mirëmbrëma të gjithëve. Ju falenderoj shumë për prezencën tuaj në nderim të figurës time artistike. Ju keni qënë e jeni përsëri frymëzimi ynë. Falënderoj të gjithë ata që punuan për këtë dokumentar. Falënderoj artistët që kanë ardhur edhe nga larg. U jam mirënjohës të gjithëve”,-tha aktoja Miloti.

Ky dokumentar është një vulë e denjë për jetën, veprën dhe trashëgiminë e Zyliha Milotit, një figurë që nuk i përket vetëm së kaluarës, por që vazhdon të frymëzojë breza të tërë me kontributin e saj të paçmuar në art dhe kulturë./CNA