web counter
LEXO PA REKLAMA!

SHKARKO APP

App Store
Google Play

86 vjet me mjeshtrin e penës shqiptare/ Gjurmët e paçmueshme të Ismail Kadaresë në letërsi

28 Janar 2023, 13:25, Kulturë CNA

86 vjet me mjeshtrin e penës shqiptare/ Gjurmët e paçmueshme

Ismail Kadare, mjeshtri i penës shqiptare, sot mbush plot 86 vjeç.

Shkrimtari i shumë veprave të njohura, ka lënë gjurmë të paçmuara në botën e librave.

Gjeniu i letërsisë, me origjinë nga Gjirokastra ka nisur të shkruajë që në rini dhe që prej asaj kohe nuk e ka lëshuar asnjëherë penën nga dora.

Ai shquhet kryesisht për prozë, por kontributin e paçmuar e ka shtrirë edhe në dramaturgji, poezi dhe përkthime.

Fama e Ismail Kadaresë njihet përtej kufijve shqiptarë dhe veprat e tij janë përkthyer në rreth 45 gjuhë të ndryshme, duke përfaqësuar denjësisht letërsinë tonë.

86 vjet me mjeshtrin e penës shqiptare/ Gjurmët e paçmueshme

Kur Shqipëria po rimëkëmbëj nga pasojat e komunizmit, Kadare e prezantonte atë nëpër botë. Në vitin vitin 1996 shkrimtari shqiptar u bë anëtar për jetë i Akademisë së Shkencave në Francë.

Jehonë ndërkombëtare, Ismail Kadaresë iu bë menjëherë sapo romani “Gjenerali i Ushtrisë së Vdekur” u botua në Frengjisht, vepër e cila më pas u përkthue në gati 20 gjuhë.

Pas kësaj, nëpër botë bënë bujë edhe veprat “Dimri i Vetmisë së Madhe”, “Kronikë në Gur”, “Vit i Mbrapshtë”, “Koncert në fund të dimrit”, “Përbindëshi”, “Nata me hënë”, e shumë të tjera.

86 vjet me mjeshtrin e penës shqiptare/ Gjurmët e paçmueshme

Disa herë kandidat i çmimit “Nobel” në letërsi, Kadare u nderua dhe me dekoratën më të lartë franceze “Komandant i Legjionit të Nderit”.

Gjithashtu, kolosi i letërsisë shqiptare është vlerësuar me çmimet “Prix Mondial Cino Del Duca”, “Man booker International Prize”, “Prince of Asturias për Artet”, “Lerici Pea” dhe "Nderi i Kombit shqiptar”.

Veprat poetike të Kadaresë shquhen për idetë e thella dhe për figuracionin e pasur e origjinal, rol me rëndësi për pasurimin e poezisë shqiptare./ B.A. – CNA.al





Lajmet e fundit nga