web counter
LEXO PA REKLAMA!

SHKARKO APP

App Store
Google Play

Zbardhet dosja/ Kasandër Noga tregon plagosjen 10 vite më parë: Si e qëlloi Erion Hasanbelli

13 Qershor 2022, 20:46, Kronika CNA
Zbardhet dosja/ Kasandër Noga tregon plagosjen 10 vite më parë:
Kasandër Noga

Zbardhet një tjetër dëshmi nga dosja e plagosjes së Kasandër Nogës në 17 mars të vitit 2002, në ambientet e bar “Pre Historie”, në Belgjikë.

Kasandër Noga është marrë në pyetje nga autoritetet belge më 30.07.2008, në Institucionin e Ekzekutimit të Vendimeve Penale, ku ishte duke vuajtur dënimin me burgim të përjetshëm.

Ai ka treguar se në ambientet e barit ka shkuar së bashku me Julian Çelën, me qëllim që të shuanin hasmërinë me vëllezërit Erion dhe Geron Hasanbelli. Kjo hasmëri kishte lindur si pasojë e vrasjes së babait të tyre.

“Porositëm diçka për të pirë dhe pritëm ulur në tavolinë rreth 20 min. Kemi parë që jashtë lokalit po vinte për të hyrë brenda në lokal shtetasi Geron Hasanbelli, me telefon në vesh duke folur. Kur ky shtetas ka qenë rreth 3 metër pa hyrë në lokal, kur nga krahu i kundërt i lokalit ka dalë shtetasi Erion Hasanbelli duke qëlluar drejt nesh me armë zjarri.

Unë kam marrë një plumb në bark dhe jam plagosur në fytyrë nga xhami i lokalit. Në këtë moment kam parë dhe dëgjuar Geron Hasanbellin që erdhi te dera e lokalit dhe kapi Erionin nga krahu i majtë duke i thënë 'Hajde ikim se i vramë', dhe i kam parë nga xhami duke u larguar”, është shprehur Noga, raporton "BW".

Nga kjo ngjarje mbeti viktimë Julian Çela, ndërsa Erion Hasanbelli është identifikuar si autor nga administratori i barit ku ndodhi ngjarja.

Ndërkohë, kujtojmë se dje u qëllua në Bruksel me 6 plumba në shpinë dhe në këmbë Erion Hasanbelli. Mediat belge shkruajnë se Noga dyshohet të jetë autor i atentatit të ditës së djeshme.

Mendohet se atentati ndaj Hasanbellit mund të ketë ardhur si pasojë e gjakmarrjes./ B.A. – CNA.al





Lajmet e fundit nga