web counter
LEXO PA REKLAMA!

SHKARKO APP

App Store
Google Play

E qëlluan me 6 plumba/ Kush është Erion Hasanbelliu, çfarë e lidh me vrasjen e  Sokol Çapjës dhe Bledar Muçës

12 Qershor 2022, 22:17, Kronika CNA
E qëlluan me 6 plumba/ Kush është Erion Hasanbelliu,
Erion Hasanbelliu

Erion Hasanbelliu, shqiptari i qëlluar me 6 plumba në një atentat në Belgjikë, është një emër i njohur për autoritetet shqiptare.

Dyshohet se i riu ka qenë pjesë e disa atentateve, mes të cilave edhe ato të Sokol Çapjës dhe Bledar Muçës.

Mendohet se Erion Hasanbelliu ka qenë shofer në atentatin që iu bë biznesmenit Sokol Çapja në vitin 2005.

Kjo nuk është verifikuar ende nga policia dhe organet e drejtësisë, ndërsa mësohet se ka qenë i burgosur për vrasjen e Julian Çelës në Belgjikë.

Ai u ekstradua nga Belgjika drejt Shqipërisë në 21 tetor të 2013-ës, pasi akuzohej se së bashku me të vëllanë kanë ekzekutuar Çelën në vitin 2002 dhe kanë plagosur rëndë, Kasandër Nogën.

Gjykata e Fierit, me vendimin e datës 7 shtator 2009, e ka dënuar Hasanbelliun me 25 vjet heqje lirie për kryerjen e veprës penale të “vrasje me paramendim për gjakmarrje e kryer në bashkëpunim”, “vrasje me paramendim për gjakmarrje e kryer në bashkëpunim mbetur në tentativë, “mbajtje pa leje të armëve të zjarrit”.

Ndërkohë, vëllai i shënjestrës së atentatit, Geron Hasanbelliu, u arrestua më 14 qershor të 2013-ës, në rrugën e Barrikadave në Tiranë./ B.A. – CNA.al





Lajmet e fundit nga