LEXO PA REKLAMA!

SHKARKO APP

Droga fundos ish-kryebashkiakun e Ramës/ Si u zbulua Agim Kajmaku me 20 kg kokainë

12 Qershor 2022, 08:17, Kronika CNA

Droga fundos ish-kryebashkiakun e Ramës/ Si u zbulua Agim Kajmaku me 20 kg

Ish-kryebashkiaku i Vorës, Agim Kajmaku, është arrestuar në Itali me 20 kg kokainë.

Ai është kapur në zonën e San Benedetto del Tronto, ndërsa ishte së bashku me nipin e tij.

Arrestimi i Kajmakut ka ndodhur që me 27 maj 2022 dhe vetëm dje është mësuar nga mediat në Shqipëri.

Kokaina e cila përllogaritet në vlerën rreth 1 milion euro, u gjet e fshehur brenda vazove të bimëve që kishte blerë Kajmaku, klient prej kohësh në një fidanishte të njohur nga Grottamare.

Në shtëpinë e tyre, në Ascoli, nuk u gjet asnjë gjurmë droge, pasi dajë e nip kishin blerë bimët e vogla në fidanishte dhe i kishin vendosur në vazo më të mëdha që i kishin blerë në një biznes lokal.

Ky ndryshim është vënë re fillimisht nga pronari i fidanishtes. Pasi ka parë lëvizje të çuditshme ka njoftuar menjëherë karabinierët.

Kështu u bë i mundur arrestimi i Kajmakut dhe nipit të tij, por ende nuk dihet destinacioni i kokainës.

Agim Kajmaku ishte në kërkim

Agim Kajmaku u zgjodh në krye të Bashkisë Vorë në zgjedhjet e 30 qershorit 2019. Më pas ai u denoncua nga PD-ja se kishte fshehur dënimin në Greqi për falsifikim parash dhe se kjo nuk ishte deklaruar në formularin e dekriminalizimit.

Ai e mohoi një gjë të tillë, por prokuroria e Tiranës përmes një letërporosie dërguar autoriteteve greke vërtetoi se ai ishte në kërkim në 2003-shin për falsifikim të kartëmonedhave dhe nuk ishte arrestuar pasi kishte ikur në Shqipëri.

Nga përgjigjja që Interpol Greqia dhe Interpol Tirana i kanë dërguar Prokurorisë së Përgjithshme, është vërtetuar se gjurmët e gishtërinjve të Agim Kajmakut janë të njëjta me Jorgo Toton, i cili është arrestuar në Greqi dhe këtë arrestim nuk e ka deklaruar kur ai kandidoi për zgjedhjet e 30 qershorit nën siglën e PS-së./CNA.al

Lajmet e fundit nga