web counter
LEXO PA REKLAMA!

SHKARKO APP

App Store
Google Play

Lëvizte i armatosur/ Prangoset 33-vjeçari në Vlorë

12 Qershor 2022, 12:26, Kronika CNA
Lëvizte i armatosur/ Prangoset 33-vjeçari në Vlorë
Foto ilustruese

Policia ka bërë të mundur arrestimin e shtetasit O.K, 33 vjeç, banues në lagjen "24 maji" në Vlorë për veprën penale "Mbajtja pa leje dhe prodhimi i armëve, armëve shpërthyese dhe i municionit".

Ky shtetas është vënë në pranga pasi lëvizte në rrugë i armatosur. Gjatë kontrollit të shtetasit O. K., shërbimet e Policisë gjetën në çantën e tij, një armë zjarri pistoletë, një krehër dhe municion luftarak që u sekuestruan në cilësinë e provës materiale.

“Shërbimet e Komisariatit të Policisë Vlorë, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra në rrugë operative, se në lagjen '24 maji', Vlorë, lëvizte një shtetas me armë zjarri me vete, kanë organizuar punën dhe kanë finalizuar me sukses operacionin policor të koduar 'Inside'. 

Si rezultat i këtij operacioni u bë arrestimi në flagrancë i shtetasit:

-O. K., 33 vjeç, banues në lagjen '24 maji'  Vlorë, për veprën penale 'Mbajtja pa leje dhe prodhimi i armëve, armëve shpërthyese dhe i municionit'.

Gjatë kontrollit të shtetasit O. K., shërbimet e Policisë gjetën në çantën e tij, një armë zjarri pistoletë, një krehër dhe municion luftarak që u sekuestruan në cilësinë e provës materiale”, njofton policia./ CNA.al





Lajmet e fundit nga