web counter
LEXO PA REKLAMA!

SHKARKO APP

App Store
Google Play

Atentati ndaj Sadikajt/ Artan Hoxha: Autorët u siguruan të mos mbijetonte

13 Qershor 2022, 12:36, Kronika CNA
Atentati ndaj Sadikajt/ Artan Hoxha: Autorët u siguruan të mos
Gazetar Artan Hoxha

Gazetari investigativ, Artan Hoxha, ka zbardhur detaje të reja rreth atentatit ndaj 27-vjeçarit, Aleksandër Sadikaj.

I ftuar në “AbcLive”, Hoxha është shprehur se viktima kishte një lokal në zonën pranë rrugës “Irfan Tomini”. Ai një ditë para ngjarjes ka qenë pikërisht në atë zonë, ku dyshohet se i është vendosur edhe sasia e eksplozivit.

Ndër të tjera, gazetari investigativ, Artan Hoxha, tha se autorët kanë qenë profesionistë dhe e kanë ditur sasinë e saktë të tritolit sa për ta eliminuar Aleksandër Sadikajn.

“Kishte dalë nga makina vetë. Ndihma e parë është dhënë nga persona të tjerë. Ai në spital ka arritur vonë. Mbase edhe mund të mbijetonte. Pamjet ishin shumë të frikshme. Pamje shumë të rënda”, tha Hoxha.

Ndër të tjera, Hoxha tha se autorët vendosën një sasi të tillë eksplozivi që të siguroheshin se nuk do të mbijetonte.

“Nuk ishte e lehtë t’i afroheshe atij. Ata kanë gjetur garanci për të realizuar 100% këtë punë me eksploziv.  Kanë vendosur një sasi eksplozivi me një minë të tillë për të siguruar se ai nuk do të mbijetonte", -tha Artan Hoxha.

“Autorët kanë pasur burime financiare të mëdha dhe burime njerëzore të mëdha. Kanë qenë shumë të motivuar”, - vijoi më tej gazetari./ CNA.al





Lajmet e fundit nga