web counter
LEXO PA REKLAMA!

SHKARKO APP

App Store
Google Play

Zbardhet aksidenti fatal në Maliq/ Kapet i riu që përplasi 58-vjeçarin

29 Nëntor 2022, 22:57, Kronika CNA

Zbardhet aksidenti fatal në Maliq/ Kapet i riu që përplasi

Policia ka zbardhur aksidentin me një humbje jete, që ndodhi pasditen e sotme në afërsi të fshatit Drithas.

Blutë bëjnë me dije se kanë identifikuar dhe arrestuar shoferin e makinës që aksidentoi biçiklistin dhe iku nga vendngjarja. Konkretisht është vënë në pranga shtetasi me iniciale G. T., 29 vjeç, banues në fshatin Drithas, Maliq.

Ndaj tij rëndojnë akuzat për veprat penale "Shkelja e rregullave të qarkullimit rrugor" dhe "Largimi nga vendi i aksidentit".

Njoftimi i policisë:

Policia zbardh aksidentin me pasojë vdekjen e një shtetasi, që ndodhi pasditen e sotme në afërsi të fshatit Drithas.

Identifikohet, kapet dhe vihet në pranga 29-vjeçari, i cili duke drejtuar automjetin, aksidentoi me pasojë vdekje shtetasin R. Sh. dhe më pas u largua nga vendngjarja.

Në vijim të informacionit paraprak të dhënë ditën e sotme, për një aksident rrugor, ju bëjmë me dije se:

Specialistët e Trafikut Urban dhe Interurban pranë DVP Korçë, në bashkëpunim me shërbimet e Komisariatit të Policisë Maliq, falë një pune intensive hetimore bënë të mundur zbardhjen e ngjarjes, identifikimin, kapjen dhe vënien para përgjegjësisë ligjore të drejtuesit të automjetit. Si rezultat u bë arrestimi në flagrancë i shtetasit G. T., 29 vjeç, banues në fshatin Drithas, Maliq, për veprat penale "Shkelja e rregullave të qarkullimit rrugor" dhe "Largimi nga vendi i aksidentit". Ky shtetas në rrugën dytësore Drithas-Rëmbec, në afërsi të fshatit Drithas, duke drejtuar automjetin tip "Benz", ka aksidentuar me pasojë vdekje shtetasin R. Sh., 58 vjeç, banues në Drithas, i cili po lëvizte me biçikletë në rrugë.

Materialet i kaluan Prokurorisë Pranë Gjykatës së Shkallës së Parë Korçë, për veprime të mëtejshme./ B.A. - CNA.al





Lajmet e fundit nga