web counter
LEXO PA REKLAMA!

SHKARKO APP

App Store
Google Play

Vodhi naftë në portin e Durrësit dhe korruptoi policët/ Ekstradohet nga Spanja, 31-vjeçari

24 Tetor 2025, 11:11, Kronika CNA

Vodhi naftë në portin e Durrësit dhe korruptoi policët/

Interpoli ka ekstraduar nga Spanja një 31-vjeçar të shpallur në kërkim ndërkombëtar.

J. K., 31 vjeç, akuzohet nga SPAK-u se korruptoi efektivët e policisë dhe vodhi naftë nga një anije në portin e Durrësit.

Ndaj tij Gjykata e Posaçme ka caktuar në shkurt të këtij viti masën e sigurisë “Arrest në burg”, me akuzat për korrupsion, vjedhje dhe kontrabandë.

 

Njoftimi

Interpol Tirana/Vijon operacioni policor ndërkombëtar, i koduar “The Wanted”.

Akuzohet nga SPAK, se në muajin shkurt, 2025, korruptoi punonjësit e Policisë dhe vodhi, në bashkëpunim me shtetas të tjerë, 200 000 litra naftë nga një anije e ankoruar në portin e Durrësit, ekstradohet nga Spanja, 31-vjeçari.

Si rezultat i koordinimit të veprimeve operacionale, ndërmjet specialistëve të Interpol Tiranës dhe homologëve të Interpol Madridit, u finalizua në kuadër të operacionit “The Wanted”, procedura për ekstradimin nga Spanja, në Shqipëri, të shtetasit shqiptar, të shpallur në kërkim ndërkombëtar, J. K., 31 vjeç.

Në muajin shkurt, 2025, GjKKO i ka caktuar masën e sigurisë “Arrest në burg”, për veprat penale “Korrupsioni aktiv i personave që ushtrojnë funksione publike”, “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës” dhe “Vjedhja”, kryer në bashkëpunim.





Lajmet e fundit nga