web counter
LEXO PA REKLAMA!

SHKARKO APP

App Store
Google Play

E fundit!

x

Misteri rreth Ervis Martinajt/ Zhabina: Informacione të vlefshme mund të merren nga familjarët dhe burgjet

23 Tetor 2025, 22:31, Kronika CNA

Misteri rreth Ervis Martinajt/ Zhabina: Informacione të vlefshme mund

Gazetari Xhevahir Zhabina ka deklaruar se në rastin e Ervis Martinajt mund të ndihmojnë të zbardhet ngjarja familjarët apo dhe burgjet në Shqipëri.

I ftuar në emisionin e Ylli Rakipit në MCN TV  Zhabina tha se për një vrasje të dyshuar si e Ervis Martinajt informacioni më i vlefshëm, mund të vijë nga burgjet, burgjet shqiptare kanë informacion plot.

“Nëse do të ishte Aldo Avdyli, nuk duhet ta mbante prokuroria e Lezhës, pasi minimum kemi grup të strukturuar kriminal. Nuk e mban dot prokuroria e Lezhës.

Tjetra, jam me tezën që familjarët janë shumë të rëndësishëm në këtë hetim. Nuk e dimë sa ka ecur prokuroria e Lezhës. A janë vënë në përgjim familjarët?

Kujtoj një histori. Kunati i Tomaso Bushetës, që u vra në Itali, prokuroria nuk i gjeti trupin, por e vërtetoi se ishte i vdekur nga përgjimet e familjarëve.

Tjetra, mendoj se një vrasje e dyshuar e tillë, informacioni më i vlefshëm, mund të vijë nga burgjet, burgjet shqiptare kanë informacion plot. Kemi parë ngjarje të tjera të zbardhura nga informacionet e burgjeve.

Për këtë ngjarje nuk ka info nga SKY ECC, pasi nuk korrespondon si periudhë kur ka ndodhur ngjarja. Por mund të ketë të dhëna në Matrix. Ndoshta do të duhet kohë që mesazhet të kalohen në filtra”, tha Zhabina./ CNA





Lajmet e fundit nga