web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e Martinajt/ Dervishi: Janë kërkuar me lupë gjurmë ADN-je të tij te banesa e Aldo Avdylajt

23 Tetor 2025, 22:04, Kronika CNA

Zhdukja e Martinajt/ Dervishi: Janë kërkuar me lupë gjurmë

Gazetari Ferdinand Dervishi ka folur mbrëmjen e sotme lidhur me zhdukjen e Ervis Martinajt. I ftuar në emisionin e Ylli Rakipit në MCN TV, Dervishi tha policia ka shkuar te banesa e Aldo Avdylajt, tre javë pasi Martinaj u denoncua i zhdukur nga familjarët në polici. Dervishi shtoi po ashtu se policia ka kërkuar imtësisht për ndonjë gjurmë ADN-je të Martinajt te banesa e Avdylajt. 

“Emri i Aldo Avdylajt lidhet me faktin se policia edhe pse me vonesë se familjarët e njoftuan policinë më 11 gusht, por ai u zhduk 1-2 ditë më parë. Policia arriti te vila e Avdylajt me vonesë, 1-3 javë pas ngjarjes. Lidhja me Avdylajt bëhet se policia aty ka bërë hetime, nëse është kapur dhe zhdukur Ervis Martinajt. Fabula është e thjeshtë: atë e marrin në telefon dhe i thonë se kemi kapur një nga kundërshtarët e tu. Atij po ia prisnin  krahët, i kishin vrarë djalin e xhaxhait. Një nga vepimet e bërë nga policia ishte kontroll te vila e Avdylajve se informacioni ka qenë se është thirur në atë vilë. Policia shkencore ka kërkuar edhe ndonjë qime dhe gjurmë ADN-je me lupë, ka patur informacion që ai është zhdukur aty. Familja e di se është futur në grackë”, tha Dervishi. /CNA





Lajmet e fundit nga