web counter
LEXO PA REKLAMA!

SHKARKO APP

App Store
Google Play

Tentoi të vriste me thikë gjyshin dhe u përpoq të arratisej/ Arrestohet 35-vjeçari në Kapshticë

23 Tetor 2025, 14:04, Kronika CNA

Tentoi të vriste me thikë gjyshin dhe u përpoq të arratisej/

Një 35-vjeçar është vënë në prangat e Policisë së Korçës pasi akuzohet se tentoi të vriste me thikë gjyshin e tij. V.Sh., u arrestua në Kapshticë, duke tentuar të kalonte kufirin në mënyrë të paligjshme.

Ky person akuzohet për “Vrasje për shkak të marrëdhënieve familjare” mbetur në tentativë dhe "Prodhimi, mbajtja, blerja apo shitja pa leje e armëve të ftohta". Ai e qëlloi disa herë gjyshin e tij me thikë.

Njoftimi i Policisë:

Drejtoria Vendore e Kufirit dhe Migracionit Korçë

SPKM Kapshticë/Kontrolleve intensive nga shërbimet e Policisë Kufitare, për parandalimin e lëvizjes në kundërshtim me ligjin, në kufi.  

Tentoi të kalonte kufirin në mënyrë të paligjshme, kapet dhe vihet në pranga 35-vjeçari në kërkim, i cili dyshohet se tentoi të vriste me thikë gjyshin e tij, më datë 04.10.2025.    

Në vijim të punës intensive të shërbimeve të Drejtorisë Vendore të Kufirit dhe Migracionit Korçë, me qëllim parandalimin dhe goditjen e krimeve ndërkufitare dhe kapjen e shtetasve në kërkim, është kapur nga shërbimet e Kufirit të Gjelbërt në PKK Kapshticë, në fshatin Vërnik, Devoll, shtetasin V. Sh., që po tentonte të kalonte kufirin, në kundërshtim me ligjin. 

Në vijim të veprimeve, specialistët e Seksionit të Hetimit të Krimeve të Rënda ndaj Personit ekzekutuan urdhrin e ndalimit që ka nxjerrë Prokuroria e Korçës për shtetasin V. Sh., 35 vjeç, banues në Bilisht, për veprat penale "Vrasja për shkak të mardhënieve familjare” mbetur në tetativë dhe "Prodhimi, mbajtja, blerja apo shitja pa leje e armëve të ftohta". Ky shtetas dyshohet se më datë 04.10.2025, ka goditur disa herë me thikë, gjyshin e tij./CNA       

 





Lajmet e fundit nga