web counter
LEXO PA REKLAMA!

SHKARKO APP

App Store
Google Play

Shfrytëzonte 4 shtetase nga Kolumbia për prostitucion/ Arrestohet i riu, në pranga edhe 2 nga vajzat

23 Tetor 2025, 10:48, Kronika CNA

Shfrytëzonte 4 shtetase nga Kolumbia për prostitucion/ Arrestohet i

Blutë e kryeqytetetit kanë identifikuar dhe arrestuar një 22-vjeçar që shfrytëzonte 4 shtetase kolumbiane për prostitucion, po ashtu në pranga kanë rënë edhe 2 nga vajzat që kishin përshtatur apartamentin për këtë veprimtari.

Njoftimi i Policisë:

"Tiranë/Finalizohet operacioni policor i koduar “Apartamenti”. 

Goditet një rast i shfrytëzimit të prostitucionit dhe i përshtatjes së ambienteve, për prostitucion.

Identifikohet dhe arrestohet një 22-vjeçar që shfrytëzonte 4 shtetase kolumbiane, për prostitucion. 

Vihen në pranga 2 nga këto shtetase, pasi kishin përshtatur apartamentin ku banonin bashkë me 2 shtetaset e tjera kolumbiane, në Rrugën e Barrikadave, për ushtrimin e prostitucionit.

Procedohen penalisht 2 shtetaset e tjera që ushtronin prostitucion.    

Si rezultat i hetimeve intensive të kryera nga Seksioni për Hetimin e Trafiqeve, në drejtimin e Prokurorisë, u organizua dhe u finalizua operacioni policor i koduar “Apartamenti”. 

Në kuadër të këtij operacioni u arrestuan në flagrancë shtetasit:

-K. P., 22 vjeç, banues në Tiranë, për veprën penale “Shfrytëzimi i prostitucionit”;

-J. O., 20 vjeçe, dhe L. C., 27 vjeçe, shtetase kolumbiane, për veprat penale “Mbajtja e lokaleve për prostitucion” dhe “Prostitucioni”. 

Gjithashtu, nisi procedimi penal për shtetaset kolumbiane K. R., 23 vjeçe, dhe A. A., 21 vjeçe, për veprën penale “Prostitucioni”. 

Nga hetimet ka rezultuar se shtetasi K. P. shfrytëzonte për prostitucion, 4 shtetaset kolumbiane. 2 prej tyre, shtetaset J. O. dhe L. C., kishin marrë me qira, një apartament në Rrugën e Barrikadave, për të banuar bashkë me 2 shtetaset e tjera, dhe e kishin përshtatur atë, për ushtrimin e prostitucionit.  

Në drejtimin e Prokurorisë vijon puna për dokumentimin e plotë të kësaj veprimtarie dhe për identifikimin e shtetasve të tjerë që mund të jenë të përfshirë"./CNA





Lajmet e fundit nga