web counter
LEXO PA REKLAMA!

SHKARKO APP

App Store
Google Play

E fundit!

x

Operacioni "Daily Rent"/ Zbulohet strofulla e prostitucionit, në pranga dy shtetas brazilianë

22 Tetor 2025, 12:41, Kronika CNA

Operacioni "Daily Rent"/ Zbulohet strofulla e prostitucionit, në

Një shtetas brazilian 25-vjeçar është vënë në prangat e Policisë së Tiranës pasi shfrytëzonte një 24-vjeçare po nga Brazili për prostitucion.

Edhe e reja është arrestuar pasi akuzohet për ushtrim prostitucioni. Gjithashtu, u proceduan penalisht shtetasit R. P., 22 vjeç, dhe E. K., 20 vjeç.    

Aktiviteti ushtrohej në një apartament të marrë me qira nga A.M., Në momentin e arrestimit në apartament u gjetën edhe R.P dhe E.K.

Është sekuestruar një shumë parash, e dyshuar e përfituar nga prostitucioni.

 

Njoftimi i Policisë:

"Tiranë/Finalizohet operacioni policor i koduar “Daily rent”.   

Goditet nga Komisariati i Policisë Nr. 3, një rast i shfrytëzimit të prostitucionit.

Vihet në pranga 1 shtetas brazilian që shfrytëzonte një 24-vjeçare (shtetase braziliane), për prostitucion, në ambiente që i merrte me qira ditore.

Vihet në pranga dhe 24-vjeçarja që ushtronte prostitucionin. 

Procedohen penalisht 2 shtetas të tjerë. 

Sekuestrohet një shumë parash, e dyshuar e përfituar nga prostitucioni.

Specialistët për Hetimin e Krimeve të Komisariatit të Policisë Nr. 3, në vijim të punës për goditjen e paligjshmërive, pas një pune intensive hetimore, organizuan dhe finalizuan operacionin policor të koduar “Daily rent”.   

Në kuadër të këtij operacioni u arrestuan në flagrancë shtetasit brazilianë:  

-A. M., 25 vjeç, për veprën penale “Shfrytëzimi i prostitucionit”;   

-G. C., 24 vjeçe, për veprën penale “Prostitucioni”. 

Gjithashtu, u proceduan penalisht shtetasit R. P., 22 vjeç, dhe E. K., 20 vjeç.    

Nga veprimet hetimore ka rezultuar se shtetasi A. M. shfrytëzonte për prostitucion, shtetasen G. C., e cila e ushtronte këtë aktivitet në ambiente që shtetasi A. M. i merrte me qira ditore.

Gjatë ndërhyrjes në një banesë që e kishte marrë me qira ditore, shtetasi A. M., në bulevardin “Zogu i Parë”, për ushtrimin e kësaj veprimtarie, u konstatuan 24-vjeçarja dhe shtetasit R. P. dhe E. K. 

Në drejtimin e Prokurorisë vijon puna për dokumentimin e plotë të rastit dhe identifikimin e shtetasve të tjerë të përfshirë në këtë veprimtari.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme"./CNA





Lajmet e fundit nga