web counter
LEXO PA REKLAMA!

SHKARKO APP

App Store
Google Play

E fundit!

x

Në makinë iu gjetën lëndë narkotike dhe armë të ftohta/ Arrestohen dy persona

23 Tetor 2025, 11:25, Kronika CNA

Në makinë iu gjetën lëndë narkotike dhe armë

Dy persona janë arrestuar në Shkodër pasi gjatë kontrolleve në automjetin e tyre u gjetën lëndë narkotike dhe armë të ftohta.

A.Sh., dhe S.F., akuzohen për “Prodhim dhe shitje të narkotikëve” dhe “Prodhim, mbajtje, blerje apo shitje pa leje të armëve të ftohta”.

Njoftimi i Policisë:

Shkodër/Vijojnë kontrollet për evidentimin dhe goditjen e veprimtarive kriminale në fushën e narkotikëve.    

U kapën në flagrancë me lëndë narkotike kanabis dhe me mjet prerës (thikë), në automjet, vihen në pranga 2 shtetas.

Sekuestrohen lënda narkotike, mjeti prerës, automjeti dhe 2 celularë.

Shërbimet e Komisariatit të Policisë Shkodër, bazuar në të dhënat e siguruara në rrugë operative, kanë ndaluar për kontroll automjetin me të cilin qarkullonin shtetasit A. Sh. dhe S. F. Gjatë kontrollit në automjet dhe kontrollit fizik ndaj tyre, shërbimet e Policisë gjetën dhe sekuestruan një sasi lënde të dyshuar narkotike kanabis, që dyshohet se ata e posedonin me qëllim shitjen në doza, dhe një mjet prerës (thikë).

Në përfundim të veprimeve procedurale, specialistët e Sektorit për Hetimin e Narkotikëve arrestuan në flagrancë shtetasit A. Sh., 35 vjeç, banues në fshatin Dragoç, dhe S. F., 39 vjeç, banues në Shkodër. 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme, për veprat penale “Prodhimi dhe shitja e narkotikëve” dhe “Prodhimi, mbajtja, blerja apo shitja pa leje e armëve të ftohta”./CNA





Lajmet e fundit nga