web counter
LEXO PA REKLAMA!

SHKARKO APP

App Store
Google Play

E fundit!

x

Në kërkim nga Kosova për kultivim narkotikësh/ Arrestohet 49-vjeçari

24 Tetor 2025, 09:18, Kronika CNA

Në kërkim nga Kosova për kultivim narkotikësh/ Arrestohet

Policia ka vënë në pranga në Tiranë një 49-vjeçar në kuadër të operacionit “Operacionalja”.

I arrestuari rezultonte i shpallur në kërkim pasi në shkurt të këtij viti, Gjykata Themelore e Gjakovës i ka caktuar masën e sigurisë “Arrest me burg”, me akuzën për kultivim narkotikësh.

Arrestimi i tij u bë me qëllim ekstradimin drejt Kosovës.

 

Njoftimi i policisë

 

Policia e Shtetit/Finalizohet operacioni policor i koduar “Operacionalja 69”.

Kapet në Tiranë, nga Drejtoria e Forcës së Posaçme Operacionale, një shtetas shqiptar, i akuzuar për kultivim të bimëve narkotike në Kosovë.

Si rezultat i shkëmbimit të informacionit dhe partneritetit të ngushtë me agjencitë ligjzbatuese në Kosovë, shërbimet e Drejtorisë së Forcës së Posaçme Operacionale të Drejtorisë së Përgjithshme të Policisë së Shtetit, kapën në Tiranë, në kuadër të operacionit “Operacionalja 69”, shtetasin O. Sh., 49 vjeç, të lindur në Tepelenë.

 

Ai ishte shpallur në kërkim, sepse Gjykata Themelore e Gjakovës, në muajin shkurt, 2025, i ka caktuar masën e sigurisë “Arrest në burg”, për veprën penale “Kultivimi i bimëve narkotike”.

 

Interpol Tirana vijon bashkëpunimin me agjencitë ligjzbatuese në Kosovë, për të finalizuar procedurën për ekstradimin e 49-vjeçarit.





Lajmet e fundit nga