web counter
LEXO PA REKLAMA!

SHKARKO APP

App Store
Google Play

E fundit!

x

Vijon “Operacionalja”/ Vihen në pranga 2 persona të shpallur në kërkim ndërkombëtar

19 Prill 2025, 09:35, Kronika CNA

Vijon “Operacionalja”/ Vihen në pranga 2 persona të

Operacioni “Operacionalja” për kapjen e personave në kërkim ndërkombëtar vijon. Në kuadër të këtij operacioni janë arrestuar dy persona të shpallur në kërkim ndërkombëtar.

U vu në pranga K. Ll. (M.), 34 vjeç, i shpallur në kërkim ndërkombëtar nga Italia pasi është dënuar nga Gjykata e Apelit të Romës me 6.7 vite burg, i akuzuar për “Organizatë kriminale”, “Trafikim i lëndëve narkotike” dhe “Shfrytëzim prostitucioni”.

Gijthashtu është arrestuar R. I., alias A. M., 40 vjeç, i dënuar nga Gjykata e Torinës me 4.3 vite burg. 40-vjeçari akuzohet për “Organizatë kriminale”, “Grup kriminal”, dhe “Vjedhje e rëndë”.

Arrestimi i dy të shpallurve në kërkim ndërkombëtar u bë me qëllim ekstradimin e tyre drejt Italisë.

Njoftimi i policisë

Vijon operacioni policor i koduar “Operacionalja”, i shtrirë në disa qytete të vendit, për kapjen e personave në kërkim ndërkombëtar.

Operacioni nga Drejtoria e Forcës së Posaçme Operacionale në Departamentin e Policisë Kriminale.

Kapen në Fushë-Krujë dhe Dibër, dy persona me rrezikshmëri shoqërore, të shpallur në kërkim ndërkombëtar nga Italia, për pjesëmarrje në organizatë kriminale, trafikim të lëndëve narkotike, shfrytëzim prostitucioni dhe vjedhje të rëndë.

Në vijim të operacioneve të njëpasnjëshme të zhvilluara nga Drejtoria e Forcës së Posaçme Operacionale, brenda 12 orëve të fundit janë finalizuar edhe dy faza të tjera të operacionit policor të koduar “Operacionalja”, konkretisht:

 

1 - Operacionalja 39, në kuadër të të cilit forcat operacionale bënë të mundur lokalizimin, kapjen dhe arrestimin, me qëllim ekstradimi drejt Italisë, të shtetasit Klodian Llomi (Mazari), 34 vjeç, banues në Maqellarë, Dibër. Gjykata e Apelit Romë/Itali, në vitin 2023, e ka dënuar këtë shtetas me 6 vjet, 7 muaj e 2 ditë burg, për veprat penale “Organizatë kriminale”, “Trafikim i lëndëve narkotike” dhe “Shfrytëzim prostitucioni”, të parashikuara nga Kodi Penal Italian.

 

2 - Ndërsa në kuadër të fazës Operacionalja 40, shërbimet e Drejtorisë së Forcës së Posaçme Operacionale bënë të mundur lokalizimin, kapjen dhe arrestimin, me qëllim ekstradimi drejt Italisë, të shtetasit Roland Ibrahimi, alias Ali Meci, 40 vjeç, banues në Laç. Gjykata e Torinos/Itali, në vitin 2024, e ka dënuar këtë shtetas me 4 vjet e 3 muaj burg, për veprat penale “Organizatë kriminale”, “Grup kriminal”, dhe “Vjedhje e rëndë”, të parashikuara nga Kodi Penal Italian.

Operacioni vijon për kapjen e personave të tjerë të shpallur në kërkim ndërkombëtar dhe kombëtar./ CNA





Lajmet e fundit nga